អគ្គិភ័យឆាបឆេះរថយន្តមួយគ្រឿងយ៉ាងសន្ធោសន្ធៅតាមបណ្តោយផ្លូវជាតិលេខ៣ ចន្លោះលេខ៣១ ក្នុងស្រុកអង្គរជ័យ ខេត្តកំពត

អគ្គិភ័យឆាបឆេះរថយន្តមួយគ្រឿងយ៉ាងសន្ធោសន្ធៅតាមបណ្តោយផ្លូវជាតិលេខ៣ ចន្លោះលេខ៣១ ក្នុងស្រុកអង្គរជ័យ ខេត្តកំពត https://t.me/muyrealchat/85633

ខេត្តកំពត ៖ ករណីគ្រោះអគ្គិភ័យឆាបឆេះរថយន្តមួយគ្រឿងយ៉ាងសន្ធោសន្ធៅ បានកើតឡើងតាមបណ្តោយផ្លូវជាតិលេខ៣១ ចន្លោះផ្លូវជាតិលេខ៣ ស្ថិតក្នុងភូមិសាស្ត្រស្រុកអង្គរជ័យ ខេត្តកំពត (ចំណុចជិតភ្នំជើងអង្គ) នៅព្រឹកថ្ងៃទី១ ខែវិច្ឆិកា ឆ្នាំ២០២៦ នេះ បង្កឱ្យមានការភ្ញាក់ផ្អើលយ៉ាងខ្លាំងដល់អ្នកធ្វើដំណើរ និងពលរដ្ឋរស់នៅក្បែរខាង។

យោងតាមប្រភពព័ត៌មាន និងរូបភាពពីកន្លែងកើតហេតុ បានឱ្យដឹងថា រថយន្តរងគ្រោះ (ត្រូវបានគេសង្ស័យថាជាប្រភេទ Highlander ឬរថយន្តទេសចរណ៍) ត្រូវបានអណ្តាតភ្លើងឆាបឆេះយ៉ាងពេញបន្ទុកពីក្បាលរថយន្តរហូតដល់ផ្នែកខាងក្រោយ បង្កជាផ្សែងខ្មៅហុយទ្រលោមទៅលើអាកាស។ នៅក្នុងអំឡុងពេលកើតហេតុ ក៏មានសំឡេងផ្ទុះជាបន្តបន្ទាប់ពីក្នុងរថយន្តផងដែរ។

ភ្លាមៗក្រោយកើតហេតុ កម្លាំងសមត្ថកិច្ចនគរបាលបានចុះមកដល់ទីតាំងកើតហេតុ ដើម្បីធ្វើការសម្រួល និងបង្វែរទិសដៅចរាចរណ៍ បញ្ចៀសការកកស្ទះ និងការពារសុវត្ថិភាពដល់អ្នកធ្វើដំណើរកុំឱ្យឆ្លងកាត់ក្បែរតំបន់គ្រោះថ្នាក់។

ចំពោះមូលហេតុពិតប្រាកដដែលបង្កឱ្យមានអគ្គិភ័យនេះ ព្រមទាំងទិន្នន័យនៃការខូចខាត ឬគ្រោះថ្នាក់ដល់អាយុជីវិតមនុស្ស សមត្ថកិច្ចជំនាញកំពុងបន្តធ្វើការស្រាវជ្រាវ និងផ្ទៀងផ្ទាត់លម្អិតបន្ថែមទៀត៕