Muyreal-News | -សេចក្តីបំភ្លឺព័ត៌មានចំពោះករណី ម្ចាស់គណនី ហ្វេសប៊ុកឈ្មោះ​ An Nich​ ផ្សព្វផ្សាយលក់ផលិតផលបារីអេឡិចត្រូនិក​ អេចឈ៍ ​ធី​ ភី(​H​TPs)



-ក្រុមការងារព័ត៌មាននិងប្រតិកម្មរហ័សនៃស្នងការដ្ឋាននគរបាលខេត្តបាត់ដំបង មានកិត្តិយស សូមជម្រាបជូន សាធារណៈជនអ្នកសារព័ត៌មាន និងអ្នកនិយមប្រើប្រាស់បណ្តាញសង្គមជ្រាបថា នៅក្នុងរយៈពេលប៉ុន្មានថ្ងៃ កន្លងទៅនេះ បានកត់សម្គាល់ឃើញថាម្ចាស់គណនីហ្វេសប៊ុកឈ្មោះ​ An Nich បានបង្ហោះខ្លឹមសារនិងរូបភាពពីការផ្សព្វផ្សាយលក់ផលិតផលបារីអេឡិចត្រូនិកអេចឈ៍​ ធី​ ភី​(HTPs)​ដែល បញ្ហានេះបានធ្វេីឱ្យមហាជនទូទៅ​ ពិសេសអ្នកនិយមប្រេីប្រាស់បណ្តាញសង្គមលេីកឡេីងនូវមតិយោបល់រិះគន់ចំពោះសកម្មភាពខាងលេី​ ថាបាននាំពង្វក់ដល់ស្មារតីរបស់យុវជន។ 


បានឃេីញសកម្មភាពបែបនេះ លោកឧត្តមសេ នី យ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង បានដាក់បទបញ្ជាដល់ផែនការងារប្រឆាំងគ្រឿងញៀននៃស្នងការដ្ឋាន ដែលមានលោកឧត្តមសេនីយ៍ត្រី​ កុយ​ ហៀង​ ជា ស្នងការងទទួលផែន​ ធ្វេីការស្រាវជ្រាវចំពោះបញ្ហានេះ។ 


នៅថ្ងៃទី​ ២៦​ ខែ​ មិថុនា​ ឆ្នាំ២០២២​ សមត្ថកិច្ចនគរបាលផែនការងារប្រឆាំងគ្រឿងញៀនបានស្វែងរកឃេីញម្ចាស់គណនីខាងលេីហេីយបាននាំមកធ្វេីការសាកសួរបំភ្លឺចំពោះការផ្សព្វផ្សាយលក់បារីអេឡិចត្រូនិកនៅក្នុងគណនីហ្វេសប៊ុករបស់ខ្លួនកន្លងមក។ 

ក្នុងនោះសមត្ថកិច្ចបានរកឃេីញ៖

-ក្បាលបឺតបារីអេឡិចត្រូនិក​(Vab)ចំនួន០៤ដេីម​ (០២ប្រអប់)

-ទឹកសម្រាប់បញ្ជូលទៅក្នុងបារីអេឡិចត្រូនិក​(ទឹកVab)ចំនួន០៤ដប


ក្រោយបញ្ចប់ការសាកសួរនិងស្របតាមអនុសាសន៍របស់ឯកឧត្តម​ កែវ​ សុជាតិ​ ព្រះរាជអាជ្ញានៃអយ្យការអមសាលាដំបូងខេត្តបាត់ដំបង​ ​សមត្ថកិច្ចនគរបាលបានធ្វេីកិច្ចសន្យាជាមួយម្ចាស់គណនីខាងលេី​ ដោយឱ្យគាត់បញ្ឈប់នូវសកម្មភាពដូចពេលកន្លងមក​(ដោយដករក្សាទុកសម្ភារៈខាងលេី)រួចអនុញ្ញាតឱ្យគាត់វិលទៅលំនៅដ្ឋានវិញត្បិតករណីនេះមិនទាន់មានអំពេីល្មេីច្បាប់ព្រហ្មទ័ណ្ឌដែលនាំទៅដល់ការអនុវត្តទោបាននៅឡេីយទេ។ 


ទោះបីជាបែបនេះក្តីក្នុងនាមសមត្ថកិច្ចនគរបាលនៃស្នងការដ្ឋាននគរបាលខេត្តបាត់ដំបង​ សូមថ្លែអំណរគុណយ៉ាងជ្រាលជ្រៅបំផុតចំពោះទឹកចិត្តនិងការចូលរួមសហការផ្តល់ព័ត៌មាន​ មកសមត្ថកិច្ចនគរបាល​ ដែលមតិយោបល់ឬព័ត៌មានដែ​​មហាជនបានផ្តល់ជូនមកនោះ​ សមត្ថកិច្ចនគរបាលពុំបានព្រងេីយកន្តេីយឬមិនយកចិត្តទុកដាក់អនុវត្តនោះទេ។ 


ជាមួយនេះក៏សូមអំពាវនាវដល់ប្រជាពលរដ្ឋជាពិសេស​ ប្អូនៗជាយុវវ័យ សូមកុំប្រេីប្រាស់នូវប្រភេទបារីអេឡិចត្រូនិក​ ទាំងនេះព្រោះវាបានបង្កឱ្យប៉ះពាល់ដល់សុខភាពធ្ងន់ធ្ងរឬរហូតបាត់បង់ជីវិតទៀតផង​  


អាស្រ័យហេតុដូចបានជម្របជូនខាងលេីសូមសាធារណៈជន អ្នកសារព័ត៌មាន និងអ្នកនិយមប្រើប្រាស់បណ្តាសង្គម មេត្តា ជ្រាបនិងសូមបន្តចូលរួមសហការជាមួយសមត្ថកិច្ចជាបន្តទៀតដោយភាតរភាពបំផុត សូមអរគុ  (ក្រុមការងារប្រតិកម្មរហ័ស)​By kosal!@@@


Copyrighted by

អ៊ុក សុវណ្ណដារារាជ្យ ជាចាងហ្វាង គេហទំព័រ សារព័ត៌មាន១រៀល 

➡️Website: www.muyreal-news.com

➡️ អណ្តើក ប្រាក់: https://www.facebook.com/silverturtle168

➡️ Faith KH: https://www.facebook.com/silverturtlekhmer

➡️ Muyreal News: https://www.facebook.com/Muyreal.Official/

➡️ Join our Group https://t.me/khshortnews

🏦ABA BANK: 061662269

☎️061/066/010 662 269

 #muyreal-news #muyrealnews

                     ************

Post a Comment

0 Comments