លោកវរៈសេនីយ៍ទោ​ សាន​ សាធុកា​ រងការ​ចោទប្រកាន់​ថា​ បាន​ជំរឹត​លុយ​ប្រជាពលរ...

លោកវរៈសេនីយ៍ទោ​ សាន​ សាធុកា​ រងការ​ចោទប្រកាន់​ថា​ បាន​ជំរឹត​លុយ​ប្រជាពលរដ្ឋ​ចំនួន​ ៥០០​ ដុល្លារ​

 

លោកវរៈសេនីយ៍ទោ​ សាន​ សាធុកា​ ហៅ​ (ធន់​ សាធុ​កា​ )អនុប្រធាន​នាយកដ្ឋាន​ប្រឆាំង​បទល្មើស​សេដ្ឋកិច្ច​ នៃ​ អគ្គស្នងការ​ដ្ឋាន​នគរបាល​ជាតិ​ ក្រសួង​មហាផ្ទៃ​ រងការ​ចោទប្រកាន់​ថា​ បាន​ជំរឹត​លុយ​ប្រជាពលរដ្ឋ​ដែល​រកស៊ី​មុខរបរ​លក់​ផលិតផល​តាម​អនឡាញ​បន្តិច​បន្តួចដេីម្បី​ចិញ្ចឹម​ក្រពះ​ ចំនួន​ ៥០០​ ដុល្លារ​ សហរដ្ឋអាមេរិក​ ។ តាមរយៈ​ភស្តុតាង​ដែល​ខ្ញុំ​ទទួល​បាន​ នៅថ្ងៃទី​ ១​ ខែ​ មេសា​ ឆ្នាំ​ ២០២៥​ វេលា​ម៉ោង​ ១៥:៣៣​ នាទី​ រសៀល​ ជនរងគ្រោះ​ បាន​វេលុយ​តាម​រយៈគណនី​ធនាគារ​ ACLEDA ទៅអោយ​ឈ្មោះ​ Thun Satouka ចំនួន​ ៥០០​ ដុល្លារ​ ។ ជនរងគ្រោះ​បាន​បន្ថែម​អោយដឹង​ទៀតថា​ ពេល​ជំរឹត​ទារប្រាក់​ពីគាត់​ ឈ្មោះ​ សាធុកានេះ​ មិនបាន​បង្ហាញ​អត្តសញ្ញាណ​ របស់​ខ្លួន​ជា​នគរបាល​សេដ្ឋកិច្ចទេ​ តែ​អះអាងថា​ ខ្លួន​ជា​មន្ត្រី​គយចល័ត​ ដែល​មាន​អំណាច​ចាប់​បង្ក្រាប​ផលិត​ផល​ទូទាំង​ប្រទេស​ ។ ដោយមិនយល់​ពីច្បាប់​ និងដោយភ័យខ្លាច​ចំពោះ​ការ​គំរាមកំហែង​របស់​លោក​វរសេនីយ៍​ទោ​ សាន​ សាធុ​កា​ ជនរងគ្រោះ​ក៏​អោយ​លុយ​ ៥០០​ ដុល្លារ​ តាមការ​ទាមទារ​របស់​លោក​សាធុកា​ទៅ​ ។ បន្ទាប់​ពី​បាន​លុយ​ចំនួន​ ៥០០​ ដុល្លារ​ រួចហេីយ​ លោកវរៈសេនីយ៍ទោ​ សាន​ សាធុកា​ បាន​តម្រូវ​ អោយ​ជ​នរងគ្រោះ​ត្រូវ​បង់លុយ​ប្រចាំខែ​អោយគាត់​ក្នុង​១ខែ​ ចំនួន​ ៣០០​ ថែម​ទៀត​ ជាថ្នូរ​នឹងការ​មិនចុះចាប់​ ។ ដោយមេីលឃេីញ​អំពើ​អយុត្តិធម៌​បែបនេះ​ ម្យ៉ាងទៀត​ជនរងគ្រោះ​រកស៊ី​បន្តិច​បន្តួច​គ្រាន់​ចិញ្ចឹម​កូន​ គ្មាន​លទ្ធភាព​រកលុយ​បង់​ជូន​លោក​វរសេនីយ៍​ទោ​ សាន​ សាធុ​កា​ ជនរងគ្រោះ​ក៏​សុំអោយ​ខ្ញុំ​ ជួយ​អន្តរាគមន៍​ ការពារ​ផលប្រយោជន៍​រកស៊ី​របស់​គាត់​ ។ ដូច្នេះ​ខ្ញុំ​មានតែ​ផ្សាយ​ជាដំណឹង​ ជូន​ឯកឧត្ដម​ នាយឧត្ដមសេនីយ៍​ អគ្គស្នងការ​នគរបាលជាតិ​ និង​ ឯកឧត្ដម​ឧបនាយករដ្ឋមន្ត្រី​ រដ្ឋមន្ត្រី​ក្រសួង​មហាផ្ទៃ​ មេត្តាជ្រាប​ជាដំណឹង​ ដេីម្បី​មាន​វិធានការ​ ចំពោះ​ មន្ត្រី​ដែល​ធ្វើ​ទុក្ខ​បុក​ម្នេញ​ប្រជាពលរដ្ឋ​ ។