ឃាត់ខ្លួនជនសង្ស័យ០៤នាក់ ក្រោយធ្វេីសកម្មភាពឆក់ទូរស័ព្ទបានសម្រេចតែរត់មិនរួច

ភ្នំពេញ៖ បុរសម្នាក់ ខណៈពេលធ្វេីដំណេីរតាមផ្លូវ ស្រាប់តែត្រូវជនសង្ស័យ ៤នាក់ខាងលេី បានមកធ្វេីសកម្មភាពឆក់យកទូរស័ព្ទរបស់គាត់បានសម្រេច បណ្តាលអោយដួលម៉ូតូត្រូវបានសមត្ថកិច្ចឃាត់ខ្លួន។

ហេតុការណ៍បានកេីតឡេីងកាលពីវេលាម៉ោង ៦និង៥០នាទីព្រឹក ថ្ងៃទី២៤ ខែវិច្ឆិកា ឆ្នាំ២០១៩ ដែលស្ថិតនៅមុខផ្សារសំណង់ ១២ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ។

ប្រភពព័ត៌មានពីសមត្ថកិច្ចដែលបានដេញចាប់ជនសង្ស័យបានប្រាប់អោយដឹងថា មុនពេលកេីតហេតុ រូបគាត់បានធ្វេីដំណេីរចេញពីផ្ទះ ក្នុងគោលបំណងទៅកន្លែងធ្វេីការ ខណៈពេលធ្វេីដំណេីរមកដល់ចំណុចមុខផ្សារសំណង់ ១២ ស្រាប់តែឃេីញជនសង្ស័យទាំង ៤នាក់ ជិះម៉ូតូ២គ្រឿងដោយមួយគ្រឿងទៀតម៉ាក ហុងដា សេ១២៥ សេរីឈ្នាំ២០២០ គ្មានស្លាកលេខ និង មួយគ្រឿងទៀត ម៉ាក ហុងដា សេ១២៥ សេរីឆ្នាំ២០០៩ ពាក់ស្លាលេខ បាត់ដំបង 1H-6692 បានជិះមកធ្វើសកម្មភាពឆក់ទូរស័ព្ទពីបុរសម្នាក់ បណ្តាលអោយដួលម៉ូតូ ភ្លាមៗនោះ រូបគាត់មិនបានឈប់មេីលជនរងគ្រោះនោះឡេីយ ដោយរូបគាត់ បានជិះដេញតាមជនសង្ស័យរហូតដល់ចំណុចស្កុប Nokia ជនសង្ស័យបានជ្រុះទូរស័ព្ទ ហេីយបានជិះចូលផ្លូវលំ មួយកន្លែងនៅក្បែរ ក៏រត់ចោលម៉ូតូទាំង ២នាក់ ឡេីងទៅលេីផ្ទះប្រជាពលរដ្ឋ ទើបត្រូវបានកម្លាំងសមត្ថកិច្ចឃាត់ខ្លួយកមកប៉ុស្តិ៍នគរបាលទឹកល្អក់៣ ដើម្បីធ្វេីការសាកសួរ ដើម្បីស្រាវជ្រាវតាមចាប់បក្សពួកជនសង្ស័យ២នាក់ទៀតបានជិះរត់គេចខ្លួន។

សមត្ថកិច្ចដដែលបានបន្តទៀតថាបនទាប់ពីធ្វើការសួរនាំ និង ធ្វើការស្រាវជ្រាវកំណត់ភិនភាគជនសង្ស័យ និង ទីតាំងលាក់ខ្លួន រួចមក កម្លាំងសមត្ថកិច្ចបានធ្វើការឃាត់ខ្លួនជនសង្ស័យចំនួន២នាក់ ដែលកំពុងលាក់ខ្លួននៅក្នុងផ្ទះបើកអ៉ិនធើណេតមួយកន្លែងនៅតាមបណ្ដោយផ្លូវបេតុង សង្កាត់ទឹកថ្លា ខណ្ឌសែនសុខ និង ដកហូតម៉ូតូរបស់ជនសង្ស័យយកមកអធិការនគរបាលខណ្ឌទួលគោក ចាត់ការតាមនិតិវិធី៕