អាជ្ញាធរមិនបង្ក្រាប សង្ស័យទីតាំងល្បែងស៊ីសងហ្គេមបាញ់ត្រីមានខ្នងធំ



រាជធានីភ្នំពេញ៖ គល់ស្ពានអាកាសស្ទឹងមានជ័យ ជាព្រំប្រទល់ខណ្ឌចំនួន៣នាក់ ដែលអាជ្ញាធរច្រើនតែមិនយកចិត្តទុកដាក់ថែរក្សាសន្តិសុខជូនពលរដ្ឋ ដោយដាក់បន្ទុកម្តងទៅខណ្ឌនេះម្តងខណ្ឌនោះ 


ជាក់ស្តែងនារីរងគ្រោះ ត្រូវជនសង្ស័យដើរមកឆក់ទូរស័ព្ទ ដែលកំពុងនិយាយនៅក្រោមស្ពានអាកាសស្ទឹងមានជ័យ បង្កការភ័យខ្លាចដល់ពលរដ្ឋធ្វើដំណើរផង 


អំពើអសន្តិសុខនេះកើតចេញពីទីតាំងល្បែងស៊ីសងនិងប្រើប្រាស់គ្រឿងប្រភេទហ្គេមបាញ់ត្រី នៅផ្លូវ២៥៥ ចុះមកសាលាបឋមសិក្សាបឹងសាឡាង សង្កាត់បឹងសាឡាង ខណ្ឌទួលគោក រាជធានីភ្នំពេញ មានផេសអ៊ែបចតនៅពីមុខជារៀងរាល់ថ្ងៃដែលមានមេការឈ្មោះ ស្រេង ទើបអាជ្ញាធរឬសមត្ថកិច្ចមិនហ៊ានបង្ក្រាបសោះ 


សារព័ត៌មាន១រៀល បានរាយការណ៍ជូនលោក ជា ពិសី អភិបាលខណ្ឌទួលគោក រួចបានសាកសួរថា តើឯកឧត្តមមានវិធានការបង្ក្រាបទេលោកក៏បានឆ្លើយប្រាប់ថា Ok Thanks ខ្ញុំចាត់ចែង តាំងពីថ្ងៃទី២ ខែមីនា ឆ្នាំ២០២២នេះ 


កាលពីពេលថ្មីៗនេះក្រសួងសុខាភិបាល បានចេញសេចក្តីប្រកាសព័ត៌មានមួយ ជូនប្រជាពលរដ្ឋទូទាំងប្រទេសថា សូមមានការប្រុងប្រយ័ត្នចំពោះជំងឺកូវីត-១៩ ទើបនឹងបំឡែងខ្លួនថ្មីឈ្មោះថា(អូមេក្រុងដោយឡែកទីតាំងល្បែងស៊ីសងមួយនេះ ហាក់មិនញញើតនឹងមិនគោរពតាមសរាចរណែនាំរបស់រាជរដ្ឋាភិបាលនឹងក្រសួងសុខាភិបាលនោះឡេីយ​ 


សូមជម្រាបថា​ កន្លងមកលោក ឃួង ស្រេង អភិបាល រាជធានីភ្នំពេញ បានប្រាប់ឲ្យ អភិបាលខណ្ឌទាំង១៤ ចុះបង្ក្រាបទីតាំងដែលបង្កប់ល្បែងភ្នាល់ គ្រប់ប្រភេទ​ ដូចជា​ មាន់ជល់ ហ្គេមបាញ់ត្រី​ ហ្គេម​ Internet Online​ និងល្បែងស៊ីផ្សេងទៀត លោក ឃួងស្រេង បាន បញ្ជាក់ទៀតថា បើសិនជារកឃើញថា ទីតាំងណា ដែលបើកល្បែងស៊ីសង​ ហ្គេមបាញ់ត្រី​ សេវាកម្ម Internet លួចបង្កប់ ការលេងល្បែងស៊ីសង Online ត្រូវតែចាត់វិធានការ តាមផ្លូវច្បាប់ បិទអាជីវកម្មនោះ ហើយត្រូវធ្វើការឃាត់ខ្លួនម្ចាស់អាជីវកម្មផងដែរ 


ការបញ្ជានេះធ្វើឡើង ក្នុងកិច្ចប្រជុំ គណៈបញ្ជាឯកភាពរាជធានីភ្នំពេញ ដោយការចូលរួម ពីអភិបាលរង រាជធានីភ្នំពេញ ស្នងការនគរបាលរាជធានីភ្នំពេញ មេបញ្ជាការកងរាជអាវុធហត្ថរាជធានី អាជ្ញាធរខណ្ឌទាំង១៤ រួមទាំង មន្ដ្រីជំនាញពាក់ព័ន្ធជារូបច្រើនទៀត 


សូមបញ្ជាក់ថា​ លោក ឃួង ស្រេង បានសង្កត់ធ្ងន់ថា អាជ្ញាធរ មានសមត្ថកិច្ច ក៏ដូចជា អាជ្ញាធរដែនដី ត្រូវត្រួតពិនិត្យ ឲ្យបានម៉ត់ចត់បំផុត មិនត្រូវអនុញ្ញាតឲ្យ មានល្បែងស៊ីសង​ ប្រភេទហ្គេមបាញ់ត្រីនិងអាជីវកម្ម ណេត កាហ្វេ អនឡាញ ដែលមានបង្កប់ល្បែងស៊ីសង នៅក្នុងមូលដ្ឋាន ជាដាច់ខាត ក្នុងករណី ដែលមាននៅក្នុងមូលដ្ឋានរបស់ខ្លួនត្រូវបង្ក្រាបភ្លាមៗ ទាំងអ្នកលេង និងម្ចាស់ទីតាំង ដែលប្រកបអាជីវកម្មខុសច្បាប់នេះ 


សូមរំលឹកថា​ កន្លងមកសម្ដេចក្រឡាហោម  ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ធ្លាប់ដាក់បទបញ្ជាឲ្យមន្ត្រីនគរបាលពាក់ពន្ធ័ ក្រោមឱវ៉ាទ​ ទូទាំងប្រទេសត្រូវតែបង្ក្រាបរាល់ល្បែងសុីសងខុសច្បាប់គ្រប់ប្រភេទ មិនត្រូវមានការយោគយល់ឡើយដើម្បីធានាឲ្យបាននូវ​ សុខសុវត្ថិភាពជូនប្រជាពលរដ្ឋ​ ឲ្យស្របតាម​ គោលនយោបាយ​ ភូមិ​ ឃុំ​ មានសុវត្តិភាពទាំង​ ៧ចំណុច​ របស់រដ្ឋាភិបាល​ ដែលដាច់ចេញដោយក្រសួងមហាផ្ទៃ​ 


យ៉ាងណាក្តី ប្រជាពលរដ្ឋ នៅតែទទូចស្នើសុំដល់ឯកឧត្តម ជា ពិសី អភិបាលខណ្ឌទួលគោក មេត្តាចុះត្រួតពិនិត្យនឹងបង្ក្រាបល្បែងស៊ីសងខាងលើនេះដើម្បីរក្សាការពារសន្តិសុខនឹងភូមិឃុំមានសុវត្ថិភាពទាំង៧ចំណុចរបស់ក្រសួងមហាផ្ទៃជាពិសេសគឺសេចក្តីសុខរបស់ប្រជាពលរដ្ឋក្នុងមូលដ្ឋាន 

Post a Comment

0 Comments