ប្រជាពលរដ្ឋសំណូមពរដល់ថ្នាក់ដឹកនាំខេត្តសៀមរាប ជួយពិនិត្យមើលលើបុគ្គល ឈ្មោះ​ អុឹង​ សោភ័ណ្ឌ​ ជា​នាយក​ទីចាត់ការ​អន្តរ​វិស័យ​




សៀមរាប៖ ​ប្រជាពលរដ្ឋដែលរស់នៅ​ នឹង​មាន​មានដីធ្លីស្ថិតនៅភូមិទាំង៨​ នៃឃុំកណ្តែក ស្រុកប្រាសាទ​គង ខេត្ត​សៀមរាប​ សូមសំណូមពរដល់ថ្នាក់ដឹកនាំខេត្តសៀមរាប ជួយពន្លឿនក្នុងការប្រកាសបិទ​ផ្សាយ​ដេីម្បី​ចែក​ប័ណ្ណម្ចាស់​កម្ម​សិទ្ធិ​ស្រប​ច្បាប់ដល់​ប្រជាពលរដ្ឋ​​ផង ។ យោងតាមសេចក្តីជូនដំណឹងរបស់រដ្ឋបាលខេត្តសៀមរាប លេខ១២៦៨/១៩ សជណ ចុះថ្ងៃទី០២ ខែតុលា ឆ្នាំ២០១៩

ស្តីពីកិច្ចប្រជុំផ្សព្វផ្សាយសេចក្តីសម្រេចកំណត់តំបន់ធ្វើការវិនិច្ឆ័យ ដែលមានលក្ខណៈជាប្រព័ន្ធ។


ក្នុងសេចក្ដីជូនដំណឹងរដ្ឋបាលខេត្តសៀមរាប សូមជម្រាបជូនដល់សាធារណជន គ្រប់មន្ទីរអង្គភាពជំនាញ ស្ថាប័ន ឬភ្នាក់ងារហិរញ្ញវត្ថុ ដែលមានការពាក់ព័ន្ធនឹងក្បាលដីទាំងអស់ស្ថិតនៅក្នុងតំបន់វិនិច្ឆ័យ ភូមិគោកត្នោត និង ភូមិល្អក់ ឃុំកណ្តែក ស្រុកប្រាសាទបាគង ខេត្តសៀមរាប ឲ្យបានជ្រាបថាដើម្បីអនុវត្តតាមខ្លឹមសារអនុក្រឹត្យ សារាចរណែនាំ និងសេចក្តីសម្រេចខាងលើ គណៈកម្មការរដ្ឋបាលនឹងធ្វើពិធីប្រកាសបើកតំបន់វិនិច្ឆ័យ ភូមិគោកត្នោត និងភូមិល្អក់ ឃុំកណ្តែក ស្រុកប្រាសាទបាគង ខេត្តសៀមរាប ជាតំបន់ធ្វើការចុះបញ្ជីដីធ្លី មានលក្ខណៈជាប្រព័ន្ធ នាវេលាម៉ោង ០៨និង៣០នាទីព្រឹកថ្ងៃទី០៨ ខែតុលា ឆ្នាំ២០១៩ ស្ថិតនៅក្នុងបរិវេណសាលាឃុំកណ្តែក ។


សូមបញ្ជាក់ផងដែរ ការចុះវាស់វែងពីមន្រ្តី  សុរិយោដី  ដេីម្បី ចុះជា បញ្ជី ដី ប្រពន្ឋ័ (Lmap) តាំង ពី ថ្ងៃ ទី ០៨  ខែតុលា  ឆ្នាំ ២០១៩ មក  រហូត ដល់ពេល នេះ  មានរយះពេលជិត២ឆ្នាំហើយបានចំនួន ៨ភូមិ ក្នុងនោះមាន ១-ភូមិគោកត្នោត ២-ភូមិល្អក់ ៣-ភូមិត្រាង ៤-ភូមិស្ពានក្អែក ៥-ភូមិអូរ ៦-ភូមិច្រេស ៧-ភូមិឃុនមោឃ ៨-ភូមិត្រពាំងទឹម


តាមប្រភពព័ត៌មានច្បាស់ការបានបង្ហើបឲ្យដឹងថា ការយឺតយ៉ាវក្នុងការប្រកាសបិទផ្សាយនេះ គឺមានមន្ត្រីសាលាខេត្តម្នាក់ ឈ្មោះ​ អុឹង​ សោភ័ណ្ឌ​ មានតួនាទីជា​នាយក​ទីចាត់ការ​អន្តរ​វិស័យ​ ដែល​ចេះគ្រប់​រឿង​ តែងតែ​លូក​ដៃ​ចូល​បង្អាក់​លេី​កិច្ច​ការ​ជំនាញ​របស់​មន្ត្រី​សុរិយោដី​ ទេីប​មានការ​យឺតយ៉ាវ​ ក្នុងការបិទផ្សាយដេីម្បីចែកប័ណ្ណជូន ដល់បងប្អូនប្រជាពលរដ្ឋ​ទាំង​៨ភូមិ​បែបនេះ។ 


បងប្អូនប្រជាពលរដ្ឋសូមសំណូមអាជ្ញាធរពាក់ព័ន្ធក៏ដូចជាថ្នាក់ដឹកនាំខេត្តជួយពិនិត្យមើលបុគ្គលឈ្មោះ អុឹង​ សោភ័ណ្ឌ នេះផងដោយកន្លងមក នៅក្នុងអង្គប្រជុំផ្លូវ ម្តងៗលើកឡើងតែផលអវិជ្ជមាន ជំទាស់គ្រប់ផ្លូវ ធ្វើអោយអង្គប្រជុំប្រើរយះពេលវែង ដំណើរការទៅមុខមិនកើត មិនសំរេចលទ្ធផលផ្លែផ្តាអ្វី មិនមានឆន្ទៈចូលរួមពន្លឿនការងារចុះបញ្ជីដីធ្លីរបស់ប្រជាពលរដ្ឋអោយដំណើរការបានរលូន ចូលរួមអភិវឌ្ឍន៍ស្ថាបនាជាតិក្នុងនាមខ្លួនជាមន្ត្រីរាជការសារធារណ ចូលរួមលើស្ទួយជំរុញការងារទិសដៅគោលនយោយបាយរបស់​រាជរដ្ឋាភិបាល​ឡើយ។ បន្ថែមទៀតនោះមានព័ត៌មានលេចលឺថា បុគ្គលរូបនោះដើរកាងសំណង់អត់ច្បាប់ឲ្យដំណើរការសាងសង់យ៉ាងរលូន ចំណែកសំណង់មានច្បាប់ពីសុរិយោដីហេីយ ក៏មិនអាចសាងសង់បានដែរបើពុំមានការឯកភាពពីលោក អុឹង​ សោភ័ណ្ឌ។ បើបងប្អូនប្រជាពលរដ្ឋ សុំច្បាប់សាងសង់តាមរយះលោក អុឹង​ សោភ័ណ្ឌ​ គឺស៉ីដាច់លុយ មិនចេញច្បាប់ឲ្យឡើយ។


ប្រជាពលរដ្ឋរស់នៅក្នុងភូមិទាំង០៨ ស្ថិតនៅឃុំសណ្ដែក ស្រុកប្រាសាទបាគង ខេត្តសៀមរាប មានចម្ងល់ថា ហេតុអ្វី​ បាន​ជា​ប្រព័ន្ធ​Lmap ចុះរយះ​ពេល​២ឆ្នាំ​ហេីយ​ មិន​មាន​ការ​បិទ​ផ្សាយ​ដេីម្បី​ចែក​បណ្ណ័​ ដល់​ប្រជាពលរដ្ឋ​ ដែល​ត្រូវ​ការ​ប្រើប្រាស់​ជាម្ចាស់​កម្ម​សិទ្ធិ​ស្រប​ច្បាប់​ ក្នុង​ការ​លក់​ដូរ​ ឬដាក់​បញ្ចាំ​ធនាគារ​ដែល​មាន​ការ​ប្រាក់​ទាប​ ដេីម្បី​យកប្រាក់មករកសុី​ និង​និងដោះស្រាយបញ្ហាជីវភាពដែលប៉ះពាល់ធ្ងន់ធ្ងរដោយ ជម្ងឺCovid-19កំពុងរីករាលដាល​។ 


ជាចុងក្រោយ ប្រជាពលរដ្ឋបានរអ៊ូរទាំថា បេីមានមន្រ្តី​ដូច​ឈ្មោះ​ អុឹង​ សោភ័ណ្ឌ​ នេះតេីអោយយេីងខ្ញុំ​ជា​ប្រជាពលរដ្ឋ​ សង្ឃឹម​អ្វី​? មាន​តែ​ពឹង​លើ​កិច្ច​អន្តរាគមន៍​ពី​ប្រមុខ​រដ្ឋាភិបាល​ ដែល​មាន​សម្តេច​ទាំង​ទ្វេ​ សុំជួយពួកយេីងខ្ញុំ​ដែល​ជា​ប្រជាពលរដ្ឋ​ទាំង​៨ភូមិ​ ដែល​រស់នៅ​ក្នុង​ឃុំ​កណ្តែក​ ស្រុក​ប្រាសាទ​បាគង​ ខេត្ត​សៀមរាប​ ដែល​តែង​តែ​បោះឆ្នោត​គាំទ្រ​ គណបក្សប្រជាជនគ្រប់អាណត្តិមក​ សូម​គោរព​ជូនពរ​អោយ​ សម្តេច​ទាំង​ទ្វេ​ និង​បុត្រា​បុត្រី​ ចៅប្រុស​ ចៅស្រី​ មាន​សុខភាព​ល្អ​ មាន​ជោគជ័យ​លើ​គ្រប់​ភារកិច្ច​ ដេីម្បី​ដឹកនាំ​ប្រទេស​កម្ពុជា​អោយ​មាន​ សុខ​សន្តិភាព​ និង​កាន់​តែ​មាន​ភាព​រីក​ចម្រើន​ឡើង​តទៅទៀត​៕

Post a Comment

0 Comments