កម្លាំងកងរាជអាវុធហត្ថរតនគិរីឆ្មក់បង្ក្រាបអ្មកលេងល្បែងស៊ីសងឃាត់ខ្លួនមនុស្សប្រុសស្រីចំនួន១១នាក់

រតនគិរី៖ ដោយមានការចង្អុលបង្ហាញពីសំណាក់លោកឧត្តបសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្ត និងមានការសម្របសម្រួលនីតិវិធីដោយលោកព្រះរាជអាជ្ញរង អមសាលាដំបូងខេត្ត  នៅវេលាម៉ោង១០និង៤៥នាទី ថ្ងៃទី២០ ខែកញ្ញា  ឆ្នាំ២០២១ កំលាំងជំនាញការិយាល័យព្រហ្មទណ្ឌអាវុធហត្ថខេត្តចំនួន០៧នាក់ ដឹកនាំដោយលោកអនុសេនីយ៍ឯក ជា  តារា នាយការិយាល័យព្រហ្មទណ្ឌ បានចុះបង្ក្រាបជាក់ស្តែងទីតាំងលេងល្បែងស៊ីសង(បៀរ) មួយកន្លែង ស្ថិតនៅក្នុងភូមិអូររមៀត សង្កាត់ឡាបានសៀក ក្រុងបានលុង ខេត្តរតនគិរី ឃាត់ខ្លួនជនសង្ស័យប្រុស,ស្រី ចំនួន១ នាក់  និងចាប់យកវត្ថុតាងរួមមាន ៖  រថយន្តចំនួន០១គ្រឿង   ម៉ូតូចំនួន០៥គ្រឿង  ទូរស័ព្ទដៃចំនួន០៦គ្រឿង  ប្រាក់រៀលចំនួន១១៦០០០រៀល  និងបៀរចំនួន០៣ហ៊ូ ។

  បច្ចុប្បន្នជនសង្ស័យនិងវត្ថុតាងខាងលើ ជំនាញអាវុធហត្ថខេត្ត កំពុងកសាងសំណុំរឿងបញ្ជូនទៅអយ្យការអមសាលាដំបូងខេត្តរតនគិរី ចាត់ការតាមនីតិវិធី ៕