អ្នកនាំពាក្យអាវុធហត្ថលើផ្ទៃប្រទេស ចេញប្រកាសព័ត៌មានឆ្លើយតបចំពោះពលរដ្ឋម្នាក់ ដែលចោទប្រកាន់ កងកម្លាំងអាវុធហត្ថ(ប៉េអឹម) ដោយគ្មានមូលដ្ឋានច្បាស់លាស់ថា " នៅគោលដៅព្យាបាលកូវីដ-១៩ ស្តាតអូឡាំពិក ប៉េអឹម ពុករលួយ គៀបសង្កត់យកលុយ ពីបងប្អូនអ្នកជំងឺដែលយកឥវ៉ាន់ចូលមកក្នុងមណ្ឌលឲ្យអ្នកជំងឺ ថែមទាំងប្រើប្រាស់សម្តីជ្រុលទៅលើអ្នកជំងឺ និងដេញអ្នកជំងឺដូចសត្វ"!



ចំពោះការចោទប្រកាន់ដោយគ្មានមូលដ្ឋាននេះ អ្នកនាំពាក្យកងរាជអាវុធហត្ថលើផ្ទៃប្រទេស បានចេញសេចក្តីប្រកាសព័ត៌មានឆ្លើយតប ដោយបញ្ជាក់ច្បាស់ៗឲ្យដឹងថា នៅគោលដៅស្តាតអូឡាំពិក គឺមិនមានកម្លាំង អាវុធហត្ថឈរជើងនៅទីនោះទេ។ កន្លងមក នៅក្នុងភូមិសាស្ត្ររាជធានីភ្នំពេញ  អាវុធហត្ថទទួលខុសត្រូវ រក្សា ការពារ សន្តិសុខ សណ្តាប់ធ្នាប់ ទីកន្លែងសម្រាក ព្យាបាលជំងឺកូវីដ-១៩ ចំនួនតែ ០៤ទីតាំងប៉ុណ្ណោះ ពោលគឺ៖ 


១.សណ្ឋាគារ Great Duke, 

២.វិទ្យាល័យជាស៊ីមសាមគ្គី, 

៣.ដឹព្រីមៀរសែនសុខ និង 

៤.មន្ទីរពេទ្យហ្លួងម៉ែ 


បច្ចុប្បន្ន អាវុធហត្ថ(ប៉េអឹម) នៅសល់គោលដៅ ទទួលខុសត្រូវតែ០២ប៉ុណ្ណោះគឺ (ដឹព្រីមៀរសែនសុខ និង មន្ទីរពេទ្យហ្លួងម៉ែ)។


អាស្រ័យហេតុដូចនេះ សូមសាធារណជន និង អ្នកសារព័ត៌មាន មេត្តាជ្រាប៕

Post a Comment

0 Comments