អុញនោះបែកធ្លាយមន្ត្រីគយតំបន់៥ប្រើរថយន្តស្លាកលេខក្លែងក្លាយ តើមន្ត្រីកាន់ជើងមន្ត្រីមែន?

មហាជនកំពុងតាមដ្ឋានព័ត៌មាននិងរបាយកាណ៍ជំងឺកូវីជាប្រចាំថ្ងៃ ស្តាប់វិធានរបស់រាជរដ្ឋាភិបាល ចូលរួមចាក់វ៉ាក់សាំងការពារនិងទប់ស្កាត់កាត់បន្ថយ អនុវត្តន៍វិធានការ ៣ការពារនិង៣កុំ ដើម្បីប្រយុទ្ធប្រឆាំងជាមួយសត្រូវមើលមិនឃើញដ៏កាចសាហាវមួយនេះ ស្រាប់តែបែកធ្លាយព័ត៌មានមន្ត្រីគយតំបន់៥ប្រើប្រាស់េថយន្តស្លាកលេខក្លាយ គួរឲ្យសោកស្តាយខ្លួនជាមន្ត្រីអនុវត្តន៍ច្បាប់ បែរជាមិនគោរពច្បាប់ធ្វើជាគំរូ និង អនុវត្តន៍ខុសគោលការណ៍ទៀត ដូចពាក្យមួយឃ្លាថា ( បង្កើតច្បាប់ដើម្បីរាស្ត្រ តែបើច្បាប់ធ្វើបាបរាស្ត្រ កុំឲ្យមានច្បាប់ហ្នឹងល្អជាង ) និងមួយឃ្លាទៀតថា ( បើមន្ត្រីអនុវត្តច្បាប់ឆ្លៀតឱកាស កេងប្រវ័ញ្ញគិតពីប្រយោជន៍ មិនគិតពីសង្គមជាតិ រាស្ត្ររងទុក្ខដេកមិនលក់ភិតភ័យ គ្មានក្តីសុខទេ ) ។

នេះជាឯកសារជាភស្តុតាងពីស្ថាប័នជំនាញគ្រប់គ្រងស្លាកលេខ យានយន្ត បានបញ្ជាក់ច្បាស់ថា រថយន្ត Lexus RX350 ពណ៌ស ពាក់ស្លាកលេខ ភ្នំពេញ 2AU-6806 ដែលគយចល័តតំបន់៥ ប្រើប្រាស់ គឺ ជាស្លាកលេខ ក្លែងក្លាយ ព្រោះស្លាកលេខដែលចុះបញ្ជីគ្រប់គ្រង ត្រឹមត្រូវ បំពាក់នៅលើរថយន្ត តូយ៉ូតា ព្រូស ពណ៌ខៀវ ផលិតឆ្នាំ ២០០៦ ម្ចាស់រថយន្ត Prius អាចដាក់ពាក្យប្ដឹងបានចំពោះករណីបែបនេះ ។

ចំពោះករណីមន្ត្រីគយតំបន់៥ ចុះធ្វើការងារមិនបានរាយការណ៍ឬសុំគោលការណ៍ ពីព្រះរាជអាជ្ញាឬព្រះរាជ្ញារងប្រចាំដែនសមត្ថកិច្ចរបស់ខ្លួន រួចបង្កជាករណីចរាចរណ៍ អ្នកច្បាប់​មួយរូបបង្ហេីបថា​ មន្ត្រី​នគរបាល​យុត្តិធម៌​ មុននឹង​ប្រតិបត្តិ​ការ​បង្ក្រាប​បទល្មើស​អ្វី​មួយ​ ទោះបី​ជាបទល្មេីស​ជាក់ស្តែង​ ឬ​ បទល្មើស​ស៊េីបអង្កេត​ក៏ដោយ​ ត្រូវ​រាយការណ៍​  និង​ សុំ​យោបល់​ដឹកនាំ​ពី​ តំណាង​អយ្យការ​ក្នុងដែនសមត្ថកិច្ចរបស់ខ្លួន​ ។  

ក្នុង​ករណី​បេី​មន្ត្រី​នគរបាល​យុត្តិធម៌​ មិនរាយការណ៍​ ឬ​ សុំយោបល់ដឹកនាំ​ពីតំណាង​អយ្យការ​ ទង្វើ​របស់​មន្ត្រី​នគរបាល​យុត្តិធម៌​នោះគឺខុសច្បាប់​ ។  

ពាក់ព័ន្ធ​នឹង​ករណី​នេះ​ យេីងបាន​ទាក់ទង​សួរខាង​មន្ត្រី​ អយ្យការ​អមសាលាដំបូង​ខេត្ត​បន្ទាយមានជ័យ​ដែរ​ មន្ត្រី​អយ្យការ​អមសាលាដំបូង​ខេត្ត​បន្ទាយមានជ័យ​ ដែល​ស្នេីសុំ​លក្ខខណ្ឌ​មិនបញ្ចេញ​ឈ្មោះ​បានអោយដឹងថា​ មន្ត្រីគយតំបន់៥ មិនបាន​រាយការណ៍​ ឬ​ សុំមតិដឹកនាំ​ពី​ ឯកឧត្តម​ព្រះរាជអាជ្ញា​អមសាលាដំបូង​ខេត្ត​បន្ទាយមានជ័យ​ទេ​ ។  

មហាជនកំពុងឆ្ងល់ថា តើមន្ត្រីកាន់ជើងមន្ត្រីមែន? បើអញ្ចឹងរាស្ត្រច្បាស់ជារងទុក្ខក្នុងដំបូលសន្តិភាព ៕