ករណីហិង្សាបង្កការភ្ញាក់ផ្អើលនៅផ្សារនាគមាស បណ្ដាលឱ្យជនរងគ្រោះម្នាក់ស្លាប់ ជនដៃដល់ត្រូវកម្លាំងសមត្ថកិច្ចខណ្ឌទួលគោកឃាត់ខ្លួនបានភ្លាមៗ

 ករណីហិង្សាបង្កការភ្ញាក់ផ្អើលនៅផ្សារនាគមាស បណ្ដាលឱ្យជនរងគ្រោះម្នាក់ស្លាប់ ជនដៃដល់ត្រូវកម្លាំងសមត្ថកិច្ចខណ្ឌទួលគោកឃាត់ខ្លួនបានភ្លាមៗ https://t.me/muyrealchat/85416

រាជធានីភ្នំពេញ៖ ករណីអំពើហិង្សាវាយប្រហារគ្នាមួយបានបង្កការភ្ញាក់ផ្អើលយ៉ាងខ្លាំងដល់បងប្អូនប្រជាពលរដ្ឋ និងអាជីវករនៅតំបន់ផ្សារនាគមាស កាលពីព្រឹកថ្ងៃទី២៤ ខែតុលា ឆ្នាំ២០២៦។ ហេតុការណ៍នេះបានបណ្ដាលឱ្យជនរងគ្រោះរងរបួសធ្ងន់ធ្ងរ ហើយបានទទួលមរណភាពពេលបញ្ជូនទៅដល់មន្ទីរពេទ្យ ខណៈជនដៃដល់ត្រូវបានសមត្ថកិច្ចឃាត់ខ្លួនបានភ្លាមៗ។

ហេតុការណ៍នេះបានកើតឡើងនៅតាមបណ្ដោយផ្លូវលេខ ២៣៩ ស្ថិតក្នុងសង្កាត់ផ្សារដើមគរ ខណ្ឌទួលគោក រាជធានីភ្នំពេញ (ម្ដុំផ្សារនាគមាស)។ តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុ មានជម្លោះរវាងភាគីទាំងពីររហូតឈានដល់ការប្រើអំពើហិង្សាវាយប្រហារគ្នាយ៉ាងធ្ងន់ធ្ងរ។ ភ្លាមៗនោះ ជនរងគ្រោះត្រូវបានគេបញ្ជូនទៅសង្គ្រោះនៅមន្ទីរពេទ្យ ប៉ុន្តែជាអកុសលរបួសធ្ងន់ធ្ងរពេក ទើបបានដាច់ខ្យល់ស្លាប់បាត់បង់ជីវិតនៅមន្ទីរពេទ្យ។

ក្រោយកើតហេតុ ដោយមានការសហការរវាងប្រជាពលរដ្ឋ និងកម្លាំងសមត្ថកិច្ចមូលដ្ឋាន ជនសង្ស័យដែលជាជនដៃដល់ត្រូវបានឃាត់ខ្លួនបានភ្លាមៗ រួចបញ្ជូនទៅកាន់អធិការដ្ឋាននគរបាលខណ្ឌទួលគោក។

បច្ចុប្បន្ន កម្លាំងជំនាញនៃអធិការដ្ឋាននគរបាលខណ្ឌទួលគោក កំពុងធ្វើការសាកសួរ និងកសាងសំណុំរឿងតាមនីតិវិធីច្បាប់ ខណៈសពជនរងគ្រោះត្រូវបានសមត្ថកិច្ចជំនាញពិនិត្យកោសល្យវិច័យ និងរៀបចំទាក់ទងក្រុមគ្រួសារសាច់ញាតិដើម្បីមកទទួលយកទៅធ្វើបុណ្យតាមប្រពៃណី។

Muyreal Store!

📞 លេខទូរស័ព្ទ:

• 010 662269 (Smart)

• 060 662269 (Metfone)

• 061 662269 (Cellcard)

💬 Telegram ទំនាក់ទំនងផ្ទាល់: @Muyreal

🤖 Telegram Bot: @muyrealstore_botealstore_bot

ទីតាំងហាង៖ [ផ្សារសំណង់១២ ទឹកល្អក់ទី៣ ខណ្ឌទួលគោក រាជធានីភ្នំពេញ

https://www.muyreal-news.com/2026/10/blog-post_222.html