ជនជាតិចិនរាយការណ៍មកកាន់សមត្ថកិច្ច ១១៧ ថាមានគេឆាតមកតាមទូរស័ព្ទគំរាមសម្លាប់

ករណី ”គំរាមសម្លាប់តាមឆាតទូរស័ព្ទ” កាលពីថ្ងៃទី១២ ខែមករា ឆ្នាំ២០២៣ ត្រូវបាននគរបាលចុះអន្ដរាគមន៍ ក្រោយជនជាតិចិនរាយការណ៍មកកាន់សមត្ថកិច្ច ១១៧ ។

នៅវេលាម៉ោង ១០និង៣៨នាទី ថ្ងៃទី១៣ ខែមករា ឆ្នាំ២០២៣ ក្រុមការងារមជ្ឈមណ្ឌលប្រចាំបញ្ជា នៃអគ្គស្នងការដ្ឋាននគរបាលជាតិបានទទួលព័ត៌មានពីករណីខាងលើ ដែលស្ថិតនៅភូមិនាងកុក ឃុំប៉ាក់ខ្លង ស្រុកមណ្ឌលសីមា ខេត្តកោះកុង ។

កំណត់ហេតុ HOTLINE ១១៧

កាលបរិច្ឆទនៅវេលាម៉ោង ១០និង៣៨នាទី ថ្ងៃទី១៣ ខែមករា ឆ្នាំ២០២៣ ប្រភពផ្តល់ព័ត៌មាន ពីជនជាតិចិន ភេទប្រុស ។

អំពីរឿងហេតុ៖ កាលពីថ្ងៃទី១២ ខែមករា ឆ្នាំ២០២៣ មានករណី "គំរាមសម្លាប់តាមឆាតទូរស័ព្ទ” ជនជាតិចិនឈ្មោះ យ៉ាវ ជានជីងភេទប្រុស អាយុ ៤៥ឆ្នាំ បានឆាតខលតាមទូរស័ព្ទមកគម្រាមសម្លាប់ ឈ្មោះ វ៉ង សៀង ភេទប្រុស អាយុ ៣៥ឆ្នាំ ជាជនជាតិចិនស្ថិតនៅ ភូមិនាងកុក ឃុំប៉ាក់ខ្លង ស្រុកមណ្ឌលសីមា ខេត្តកោះកុង ។ បានសុំឲ្យសមត្ថកិច្ចប្រចាំបញ្ជា១១៧ ជួយអន្តរាគមន៍ ។

ដំណោះស្រាយនិងនីតិវិធីដោះស្រាយ៖ នៅវេលាម៉ោង ១០និង៣៩នាទី សមត្ថកិច្ចមជ្ឈមណ្ឌលប្រចាំបញ្ជា១១៧ នៃអគ្គស្នងការដ្ឋាននគរបាលជាតិ លោកអនុសេនីយ៍ឯក ឡុង សិរីវុធ បានបញ្ជូនព័ត៌មានទៅប្រចាំបញ្ជា នៃស្នងការដ្ឋាននគរបាល ខេត្តកោះកុង លោកឧត្តមសេនីយ៍ត្រី មាស អេលីន មុខងារ ស្នងការរង Tel: ០៦៧ ៨៩៣ ៦៣៦ ដើម្បីអន្តរាគមន៍បន្ទាន់ ។

លទ្ធផល៖ ក្រោយបានទទួលព័ត៌មានពីមជ្ឈមណ្ឌលប្រចាំបញ្ជាភ្លាម លោកវរសេនីយ៍ឯក លឹម សែងច័ន្ទ មុខងារ អធិការ Tel: ០៧០២២៣ ៣៦៦ កម្លាំងជំនាញបានអញ្ជើញជនជាតិចិនឈ្មោះ វ៉ង សៀង ភេទប្រុស អាយុ៣៥ឆ្នាំ មកសាកសួរដំណើររឿង ថាមានបុរសជនជាតិចិនឈ្មោះ យ៉ាវ ជានជីង អាយុ៤៥ឆ្នាំ បានឆាតខលតាមទូរស័ព្ទមកគម្រាមសម្លាប់គាត់ ។

មូលហេតុ៖ ឈ្មោះ យ៉ាវ ជានជីង ខឹងនឹងឈ្មោះ វ៉ង សៀង បានរាយការណ៍ទៅក្រុមហ៊ុនលក់ទំនិញចិនថា ឈ្មោះ យ៉ាវ ជានជីង យកទំនិញមកមិនបានបង់ពន្ធ ធ្វើឲ្យក្រុមហ៊ុនចិនផាកពិន័យជាប្រាក់ ។