ករណី ”ល្បែងស៊ីសងភ្នាល់” (ចាក់កូនសត្វ) ត្រូវបាននគរបាលចុះអន្ដរាគមន៍ ក្រោយប្រជាពលរដ្ឋរាយការណ៍មកកាន់សមត្ថកិច្ច ១១៧

នៅវេលាម៉ោង ១៩និង៣៨ នាទី ថ្ងៃទី១២ ខែមករា ឆ្នាំ២០២៣ ក្រុមការងារមជ្ឈមណ្ឌលប្រចាំបញ្ជា នៃអគ្គស្នងការដ្ឋាននគរបាលជាតិបានទទួលព័ត៌មានពីករណីខាងលើ ដែលស្ថិតនៅភូមិបង្ហេីរខ្លែង ឃុំត្រពាំងព្រីង ស្រុកតំបែរ ខេត្តត្បូងឃ្មុំ ។

កំណត់ហេតុ HOTLINE ១១៧

កាលបរិច្ឆេទ៖ នៅវេលាម៉ោង ១៩និង៣៨ នាទី ថ្ងៃទី១២ ខែមករា ឆ្នាំ២០២៣ ។

ប្រភពផ្ដល់ព័ត៌មាន៖ ពីប្រជាពលរដ្ឋ ភេទប្រុស

អំពីរឿងហេតុ៖ ករណី "ល្បែងស៊ីសងភ្នាល់(ចាក់កូនសត្វ)” ស្ថិតនៅ ភូមិបង្ហើរខ្លែង ឃុំត្រពាំងព្រីង ស្រុកតំបែរ ខេត្តត្បូងឃ្មុំ ។ បានសុំឲ្យសមត្ថកិច្ចប្រចាំបញ្ជា១១៧ ជួយអន្តរាគមន៍ ។

នីតិវិធីដោះស្រាយ និង ដំណោះស្រាយ នៅវេលាម៉ោង ១៩និង៣៩នាទី សមត្ថកិច្ចមជ្ឈមណ្ឌលប្រចាំបញ្ជា១១៧ នៃអគ្គស្នងការដ្ឋាននគរបាលជាតិ លោកអនុសេនីយ៍ឯក ប៊ី ប៊ុនរ័ត្ន បានបញ្ជូនព័ត៌មានទៅកាន់ប្រចាំបញ្ជា នៃស្នងការដ្ឋាននគរបាល ខេត្តត្បូងឃ្មុំ លោកឧត្តមសេនីយ៍ត្រី ចិន មុខងារ ស្នងការរង Tel: ០៧១ ៤៤២២ ៦៦៦ ដើម្បីអន្តរាគមន៍បន្ទាន់ ។

លទ្ធផល៖ ក្រោយបានទទួលព័ត៌មានពីមជ្ឈមណ្ឌលប្រចាំបញ្ជាភ្លាម លោកវរសេនីយ៍ទោ ស៊ាន ម៉េងស៊ា មុខងារ អធិការរង Tel: ០៩៧ ៧៦០ ៧២៧៩ ចុះដល់កន្លែងកើតហេតុក្រុមអ្នកញៀនល្បែង ទាំងនោះបានរត់គេចខ្លួនបាត់អស់ ដោយបន្សល់ទុកកម្រាលតង់១ផ្ទាំង កញ្ច្រែងជ័រ១ លុយ ខ្មែរ៣០.០០០រៀល រូបកូនសត្វចំនួន ១៧បន្ទះ ឃាត់ខ្លួនបុរសម្នាក់ជាម្ចាស់ទីតាំងមកកាន់ អធិការដ្ឋាននគរបាលស្រុក ដើម្បីសាកសួរបំភ្លឺធ្វើកិច្ចសន្យាឈប់លេងល្បែងស៊ីសង និងបញ្ឈប់ ការផ្តល់ទីតាំងឲ្យអ្នកលេងល្បែងស៊ីសងខុសច្បាប់បន្តទៀត ។