KHMN | នារីស្រស់ស្អាតម្នាក់ត្រូវសមត្ថកិច្ចឃាត់ខ្លួន ពាក់ព័ន្ធខ្ចីប្រាក់គេយកទៅប្រើប្រាស់ ពេលសងវិញចេញសែកស្អុយ២សន្លឹក



ភ្នំពេញ  កាលពីថ្ងៃទី២១ ខែតុលា ឆ្នាំ២០២២ នារីដ៏ស្រស់ស្អាតស្រស់សោភាម្នាក់  ត្រូវបានកម្លាំងសមត្ថកិច្ចកងរាជអាវុធហត្ថរាជធានីភ្នំពេញចាប់ខ្លួនប្រគល់ជូនស្ថាប័នអយ្យការអមសាលាដំបូង ដោយជាប់ពាក់ពន្ធពីបទ«មិនបំពេញកាតព្វកិច្ចចំពោះឧបករណ៍អាចជួញដូរបាន»ពាក់ព័ន្ធខ្ចីប្រាក់គេយកទៅប្រើប្រាស់ ពេលសងវិញចេញសែកស្អុយ២សន្លឹក 


នារីជាប់សង្ស័យ ឈ្មោះ ឡេង ចាន់បុប្ផា អាយុ២៣ឆ្នាំ ជាអាជីវករ ស្នាក់នៅអគារខុនដូរ UK ទួលគោក ផ្លូវលេខ៣១៣ សង្កាត់បឹងកក់ទី១ ខណ្ឌទួលគោក រាជធានីភ្នំពេញ  ការចាប់ខ្លួនជនសង្ស័យខាងលើនេះ ត្រូវបានសមត្ថកិច្ចបង្ហើបឲ្យដឹងថា ជាការអនុវត្តតាមដីកាបញ្ជាឲ្យចូលខ្លួនរបស់លោកឆាយ ហុង ព្រះរាជអាជ្ញាអមសាលាដំបូងរាជធានីភ្នំពេញ 


អង្គហេតុនៃការចាប់ខ្លួននោះ តាមពាក្យបណ្តឹងជនរងគ្រោះបានប្តឹងចោទប្រកាន់ទៅលើឈ្មោះឡេង ចាន់បុប្ផា ចំនួន២បទល្មើស១-ពីបទ.មិនបំពេញកាតព្វកិច្ចចំពោះឧបករណ៍អាចជួញដូរបាន.តាមបញ្ញតិមាត្រា២៣១ នៃច្បាប់ស្តីពីឧបករណ៍អាចជួញដូរបាននិប្រតិបត្តិការទូទាត់ប្រាក់ និង២.បទ រំលោភលើសេចក្តីទុកចិត្ត តាមមាត្រ៣៩១ នៃក្រមព្រហ្មទណ្ឌ នៃព្រះរាជាណាចក្រកម្ពុជា 


ជនរងគ្រោះ និងឈ្មោះ ឡេង ចាន់បុប្ផា ជាមនុស្សធ្លាប់រាប់អានគ្នា បានបង្កើតការជឿទុកចិត្តទំនាក់ទំនងក្នុងការងាររកស៊ីដោយមានអាសន្នអន់ក្រជួយគ្នាទៅវិញទៅមក  


ម្ល៉ោះហើយធ្វើឲ្យអ្នកទាំងពីរបាន បង្កើតកិច្ចសន្យាខ្ចីប្រាក់ជាមួយគ្នាមួយ ដោយមិនបានធ្វើជាលាយល័ក្ខអក្សរ គ្រាន់តែធ្វើដោយផ្ទាល់មាត់ប៉ុណ្ណោះ គឺជនសង្ស័យឈ្មោះ ឡេង ចាន់បុប្ផា បានថតជាវីដេអូឃ្លីបហើយនិយាយថា «សុំខ្ចីប្រាក់ពីជនរងគ្រោះយកទៅប្រើប្រាស់ក្នុងរយៈ ពេលខ្លី ករណីដែលខ្លួនមិនសងប្រាក់នោះទេ គេនិងទទួលខុស ត្រូវចំពោះមុខច្បាប់ 


ពាក្យសំដីដែលគួរឲ្យជឿទុកចិត្តនោះហើយ ធ្វើឲ្យជនរងគ្រោះដាច់ចិត្តប្រគល់ប្រាក់ ចំនួន២លើកឲ្យទៅជនស ង្ស័យខ្ចី ដើម្បីធ្វើដើមទុនប្រកបមុខរបររកស៊ី លើក១ ប្រគល់នៅថ្ងៃទី២០ ខែសីហា ឆ្នាំ២០២២ ចំនួន៦០០០ដុល្លារអាមេរិក និងលើកទី២ នៅថ្ងៃទី២៧ខែសីហា ឆ្នាំ២០២២ ចំនួន ២០ ០០០ ដុល្លារអាមេរិក ដោយសន្យាខ្ចីត្រឹមតែមួយថ្ងៃប៉ុណ្ណោះ 


នៅថ្ងៃទី២៧ ខែសីហា ដដែល ជនសង្ស័យឈ្មោះ ឡេង ចាន់បុប្ផា បានចេញមូលប្បទានប័ត្រ«សែកស្អុយ»ចំនួន២សន្លឹកឲ្យទៅដើមបណ្តឹង សែក១សន្លឹកមានទឹកប្រាក់  ០០០ដុល្លារអាមេរិក និងសែកមួយសន្លឹកទៀតទឹកប្រាក់ចំនួន ៥០០០០ ដុល្លារអាមេរិក ជាការទូទាត់សងទៅដើមបណ្តឹងវិញ។ លុះដល់ពេលជនរងគ្រោះ បានយកមូលប្បទានប័ត្រទាំង២សន្លឹកនោះ ទៅបើកប្រាក់ពីធនា គារទើបខាងធនាគារឆ្លើយតបមកវិញជាសែកអត់មានសាច់ប្រាក់ ពោលគឺ «សែកស្អុយ»  


មកដល់ព្រឹកថ្ងៃទី២២ តុលា ឆ្នាំ២០២២ នេះ តំណាងអយ្យការកំពុងបើកការស៊ើបសួរ  

 

✴️សូមបងប្អូនជួយស៊ែរចែករំលែកព័ត៌នេះផង🙏🙏🙏


ប្រិយមិត្តអាចផ្តល់ដំណឹងឬព័ត៌មាន មកសារព័ត៌មាន មួយរៀល www.muyreal-news.com ដោយផ្ទាល់តាមរយៈដូចខាងក្រោម

  1. លេខទូរស័ព្ទ 010 662 269
  2. Telegram: 010 662 269
  3. What’s App: 010 662 269
  4. Join our Group https://t.me/khshortnews
  5. Gmail: muyreal.news@gmail.com
  6. អ៊ុក សុវណ្ណដារារាជ្យ : https://www.facebook.com/Sovandarareachkh
  7. KHMN ABA : https://www.facebook.com/khmnaba/
  8. Muyreal-News: https://www.facebook.com/Muyreal.Official/
  9. KHST Shop : https://www.facebook.com/khstshop/


បញ្ជាក់៖ រាល់ការផ្តល់ព័ត៌មាន របស់ប្រិយមិត្តមកកាន់អង្គភាពសារព័ត៌មានយើងខ្ញុំ នឹងមានការរក្សាការសម្ងាត់ជូនប្រភព តាមវិជ្ជាជីវៈមិនឲ្យប៉ះពាល់ដល់កិត្តយស ឬសុវត្ថិភាពរបស់ប្រភពឡើយ។ 


សូមអរគុណសម្រាប់ការតាមដាន ១រៀល 

 #khmn #muyrealnews

                     ************


Post a Comment

0 Comments