Muyreal-News | នគរបាលប៉ុស្តិ៍បឹងកេងកង២ម្នាក់ ផ្ទុះអាវុធ៣គ្រាប់ ក្នុងហាងកាហ្វេ KSS COFEE

រាជធានីភ្នំពេញ ៖ កាលពីយប់ថ្ងៃទី៣១ ខែកក្កដា ឆ្នាំ២០២២ នៅតាមបណ្តោយផ្លូវវត្តទួល ស្ថិតក្នុងហាងកាហ្វេយីហោ KSS COFEE សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ មានករណីផ្ទុះអាវុធ៣គ្រាប់ ដែលបង្កដោយមន្ត្រីនគរបាលម្នាក់ ។

កន្លែងហាងកាហ្វេកើតហេតុនេះ គឺជាហាងកាហ្វេរបស់កីឡាករបាល់ទាត់ដ៏ល្បីឈ្មោះម្នាក់ តែមន្ត្រីនគរបាលមូលដ្ឋានខណ្ឌឬស្សីកែវ ព្យាយាមមិនបង្ហាញអត្តសញ្ញាណទេ ។

មុនពេលមានការភ្ញាក់ផ្អើលនៅក្នុងហាងកាហ្វេនេះ គឺមានការជួបជុំផឹកស៊ីសប្បាយក្អាកក្អាយ និងមានអ្នកចូលចន្លោះពី០៥នាក់ទៅ៦នាក់ ។

ពេលកំពុងតែផឹកស៊ីសប្បាយស្រវឹងស្រឿងៗនោះ ក៏មានបុរសម្នាក់ ក្នុងចំណោមគ្នីគ្នាគេទាំងអស់ បានចេញមកឈរបាញ់នោមនៅក្រៅ ហើយក៏មានម៉ូតូមួយគ្រឿងមិនចាំម៉ាកជិះលឿនឆ្លងកាត់ផ្លូវនោះ មកកៀររូបគាត់តែម្តង ។

ភ្លាមៗនោះ បុរសរូបនោះក៏ខឹងយ៉ាងខ្លាំង រួចក៏ដកកាំភ្លើងខ្លីចេញពីក្នុងហោប៉ៅខោរ អាម៉េបញ្ចូលគ្រាប់ដើម្បីគំរាម តែបណ្តាលឲ្យធ្លាក់គ្រាប់កាំភ្លើងចេញក្រៅ ហើយបុរសរូបនោះ ក៏បញ្ចូលគ្រាប់ម្តងទៀត ក៏ភ្លាត់ស្នៀតរាលកៃបណ្តាលឲ្យផ្ទុះតែម្តង មិនបានបង្កឱ្យមានមនុស្សរងរបួសនោះទេ ។

ជនបង្កឈ្មោះ អ៊ុយ ហ៊ាង ភេទប្រុស អាយុ៣៩ឆ្នាំ ជនជាតិខ្មែរ មានទីលំនៅផ្ទះលេខF11 ភូមិក្រោលគោ សង្កាត់គីឡូម៉ែតលេខ៦ខណ្ឌឬស្សីកែវ រាជធានីភ្នំពេញ មុខរបរជានគរបាលប៉ុស្តិ៍បឹងកេងកង២ ខណ្ឌបឹងកេងកង រាជធានីភ្នំពេញ ។

សូមចូលរួមសហការចែកចាយតែព័ត៌មានពិត​៚

Copyrighted by៖

អ៊ុក សុវណ្ណដារារាជ្យ ជាចាងហ្វាង គេហទំព័រ សារព័ត៌មាន១រៀល 

➡️Website: www.muyreal-news.com

➡️ អ៊ុក សុវណ្ណដារារាជ្យ: https://www.facebook.com/silverturtle168

➡️Muyreal KH : https://www.facebook.com/silverturtlekhmer

➡️ Muyreal-News: https://www.facebook.com/Muyreal.Official/

➡️ Join our Group https://t.me/khshortnews

➡️ IDKHM Card: 0101793849 

🏦ABA BANK: 061662269

☎️061/066/010 662 269

 #newsmuyreal #muyrealnews

                     ៚************៚