Muyreal-News | បុរសពីរនាក់ត្រូវសត្វខ្លាឃ្មុំទះ និងចាប់ហែក បណ្តាលឱ្យរងរបួសធ្ងន់នៅកណ្តាលព្រៃក្នុងភូមិសាស្ត្រឃុំអូរសោម



(ពោធិ៍សាត់) បុរសពីរនាក់ ក្នុងនោះម្នាក់ជាប្រជាការពារភូមិ ត្រូវបានសត្វខ្លាឃ្មុំទះ និងចាប់ហែកបណ្តាលឱ្យរងរបួសធ្ងន់ ខណៈកំពុងធ្វើដំណើរចេញទៅដួសត្រីកណ្តាលព្រៃ។


ហេតុការណ៍ខាងលើនេះ បានកើតឡើងនាវេលាម៉ោង ១២និង៤០នាទីថ្ងៃត្រង់ ថ្ងៃទី០៤ ខែកក្កដា ឆ្នាំ២០២២ នៅចំណុចឆាយបីជាន់ឧបសម្ព័ន្ធស្ទឹងតាចាន់ ស្ថិតក្នុងភូមិឆាយលូក ឃុំអូរសោម ស្រុកវាលវែង ខេត្តពោធិ៍សាត់។


សមត្ថកិច្ចប៉ុស្តិ៍នគរបាលរដ្ឋបាលអូរសោម បានប្រាប់ឱ្យដឹងថា ជនរងគ្រោះដែលត្រូវខ្លាឃ្មុំទះ និងចាប់ហែកនោះ មានឈ្មោះ៖ ទី១៖ឈ្មោះ ងុយ ងឿន ភេទប្រុស អាយុ៣៣ឆ្នាំ ជនជាតិខ្មែរ ជាប្រជាការពារភូមិ (រងរបួសធ្ងន់ ទី២៖ ឈ្មោះ ភី ភក្តី ភេទប្រុសអាយុ២៩ឆ្នាំ ជនជាតិខ្មែរ (រងរបួសធ្ងន់ទាំងពីរនាក់រស់នៅចំណុចឧបសម្ព័ន្ធស្ទឹងតាចាន់ ក្នុងភូមិឆាយលូក ឃុំអូរសោម ស្រុកវាលវែង។


ប្រភពបានបន្ថែមថា មូលហេតុដែលមានករណីខាងលើនេះ គឺដោយសារជនរងគ្រោះទាំងពីរនាក់ ចេញទៅដួសត្រីនៅចំណុចឆាយបីជាន់ ពេលកំពុងតែធ្វើដំណើរស្រាប់តែប្រទះជួបសត្វខ្លាឃ្មុំ នៅកណ្តាលផ្លូវតែម្តង។ 


បច្ចុប្បន្នជនរងគ្រោះទាំងពីរនាក់ ត្រូវបានបញ្ជូនទៅសង្គ្រោះបន្ទាន់នៅគ្លីនិចឯកជន ក្នុងឃុំអូរសោម ស្រុកវាលវែង ខេត្តពោធិ៍សាត់៕


សូមចូលរួមសហការចែកចាយតែព័ត៌មានពិត


Copyrighted by

អ៊ុក សុវណ្ណដារារាជ្យ ជាចាងហ្វាង គេហទំព័រ សារព័ត៌មាន១រៀល 

➡️Website: www.muyreal-news.com

➡️ អណ្តើក ប្រាក់: https://www.facebook.com/silverturtle168

➡️KH News: https://www.facebook.com/silverturtlekhmer

➡️ Muyreal-News: https://www.facebook.com/Muyreal.Official/

➡️ Join our Group https://t.me/khshortnews

➡️👉 https://he1.me/lYWa 

🏦ABA BANK: 061662269

☎️061/066/010 662 269

 #muyreal-news #muyrealnews

                     ************

Post a Comment

0 Comments