Muyreal-News | តើគួរបន្ទោសអ្នកណា? លោក GM នៃ DM KTV ល្បួងលោងលោមរំលោភក្មេងវ័យ១៥ឆ្នាំ នៅកន្លែងធ្វើការងារ

រាជធានីភ្នំពេញ៖ មួយរយៈនេះករណីរំលោភសេពសន្ថវៈ ដូចជាកំរើនឡើងវិញនៅក្នុងសង្គម ធ្វើឱ្យប៉ះពាល់ដល់វប្បធម៌ប្រពៃណីខ្មែរដ៏ថ្លៃថ្នូរ ក្រោមដំបូលសន្តិភាព ។

នៅយប់ថ្ងៃទី២៥ ខែកក្កដា ឆ្នាំ២០២២ មានការភ្ញាក់ផ្អើលនៅមុខខេរ៉ាអូខេ ឌីអឹម ផ្លូវ២១៥ សង្កាត់ផ្សារដេប៉ូ៣ ខណ្ឌទួលគោក រាជធានីភ្នំពេញ ដោយក្មេងស្រីនិងក្រុមគ្រួសារទៅចោទប្រកាន់លោក អ៊ូ ហុង ភេទប្រុស អាយុ៦០ឆ្នាំជាង តួនាទីជាអ្នកគ្របគ្រងទូទៅ ហៅកាត់ថា GM = General Management of DM KTV ថាបានល្បួងលោងលោមរំលោភសេពសន្ថវៈបានសម្រេចនៅក្នុងកន្លែងធ្វើការ ។

យោងតាមសំដីនារីរងគ្រោះ អាយុ១៥ឆ្នាំ ដែលបំរើការងារផ្នែកសេវា waiter នៅថ្ងៃអាទិត្យ ទី១៧ ខែកក្កដា ឆ្នាំ២០២២ នៅវេលាមឯោង១៤រសៀល លោក អ៊ូ ហុង ដែលជាជនសង្ស័យ បានហៅក្មេងស្រីរងគ្រោះចុះពីជាន់លើឱ្យចូលមកក្នុងបន្ទប់មានការងារប្រើ ។

ពេលក្មេងស្រីរងគ្រោះបានចូលទៅក្នុងបន្ទប់របស់លោក GM ហុង ស្រាប់តែជនសង្ស័យបាននិយាយលោងលោមប្រាប់ថាទិញខ្សែកខ្សៃចិញ្ជៀនឱ្យក្មេងស្រីរងគ្រោះជាថ្នូរធ្វើជាស្រីស្នេហ៍នោះ បន្ទាប់ពីនិយាយល្បួងរួចហើយក៏ធ្វើសកម្មភាពរំលោភសេពសន្ថវៈបានសម្រេចតែម្តង ។

លោក ឡើ តាំងសារ៉ូ នាយប៉ុស្តីនគរបារដ្ឋបាលសង្កាត់ផ្សារដេប៉ូទី៣ បានប្រាប់ឱ្យដឹងថា នៅម៉ោង១៧ល្ងាច ថ្ងៃទី២០ ខែកក្កដាឆ្នាំ២០២២នេះ ទើបជនរងគ្រោះបានមកដាក់ពាក្យប្តឹង ដោយទាមទារសងជំងឺចិត្ត $20000 (ពីរម៉ឺនដុល្លារសហរដ្ឋអាមេរិក) ។

លោកនាយប៉ុស្តិ៍បន្តថា លោកបានទទួលពាក្យប្តឹងករណីរំលោភសេពសន្ថវៈនេះរួច ក៏បានប្រាប់ឱ្យជនរងគ្រោះទៅធ្វើកោសល្យវិនិច្ឆ័យជាភស្តុតាង និងបានរាយការណ៍បញ្ជូនសំណុំរឿងទៅអធិការដ្ឋាននគរបាលខណ្ឌទួលគោក ដើម្បីចាត់ការតាមនីតិវិធី ។

ដោយឡែកខាងជនរងគ្រោះមិនបានរក្សាភាពស្ងាត់ស្ងៀម ដើម្បីទុកពេលជូនកម្លាំងសមត្ថកិច្ចដោះស្រាយទេ បែរជាយំស្រែកហែកទ្រូងឱ្យក្អែកចឹក ធ្វើឱ្យជនសង្ស័យរត់គេចលាក់ខ្លួនពួនសម្ងំ ផ្តល់ការលំបាកដល់សមត្ថកិច្ចក្នុងការស៊ើបអង្កេតស្រាវជ្រាវនាំខ្លួនជនសង្ស័យលោក អ៊ូ ហុង ដែលជាអ្នគ្រប់គ្រងមកសាកសួរ ។

លោកនាយប៉ុស្តិ៍បានបញ្ជាក់ថា បានអញ្ជើញជនរងគ្រោះមកធ្វើកំណត់ហេតុនិងទទួលយករាយការណ៍ពិនិត្យរបស់គ្រូពេទ្យ នៅរសៀលថ្ងៃទី២៦ ខែកក្កដា ឆ្នាំ២០២២នេះ រួមទាំងខាងសមត្ថកិច្ចនគរបាលខណ្ឌទួលគោក ចេញដីកាកោះហៅជនសង្ស័យមកសាកសួរផងដែរ ៕

 សូមចូលរួមសហការផ្សព្វផ្សាយព័ត៌មានពិត​ និងលុបបំបាត់ព័ត៌មានមិនពិត​ ៚

Copyrighted by៖

អ៊ុក សុវណ្ណដារារាជ្យ ជាចាងហ្វាង គេហទំព័រ សារព័ត៌មាន១រៀល 

➡️Website: www.muyreal-news.com

➡️ អ៊ុក សុវណ្ណដារារាជ្យ: https://www.facebook.com/silverturtle168

➡️Muyreal KH : https://www.facebook.com/silverturtlekhmer

➡️ Muyreal-News: https://www.facebook.com/Muyreal.Official/

➡️ Join our Group https://t.me/khshortnews

➡️👉 https://he1.me/lYWa 

🏦ABA BANK: 061662269

☎️061/066/010 662 269

 #muyreal-news #muyrealnews

                     ៚************៚