Muyreal-News | ក្រុមហ៊ុន Apple បានយល់ព្រមបង់ប្រាក់ចំនួន ៥០លានដុល្លារ ទាក់ទងនឹងបញ្ហាក្តារចុច ជាមួយកុំព្យូទ័រMacBook



បើតាមការផ្សព្វផ្សាយរបស់សារព័ត៌មាន Reuters កាលពីម្សិលមិញនេះបានឱ្យដឹងថាក្រុមហ៊ុន Apple បានយល់ព្រមបង់ប្រាក់ចំនួន ៥០លានដុល្លារដើម្បីដោះស្រាយបណ្តឹង ដែលរងការចោទប្រកាន់ពីអតិថិជនថា ក្រុមហ៊ុនបានដឹង និងលាក់បាំងអំពីបញ្ហាជាមួយនឹងក្តារចុចប្រភេទ "butterfly" នៅលើកុំព្យូទ័រយួរដៃ MacBook ដែលងាយនឹងខូច។


ការឯកភាពបឋមដែលបានស្នើឡើងត្រូវបានដាក់នៅយប់ថ្ងៃចន្ទនៅតុលាការសហព័ន្ធក្នុងទីក្រុង San Jose រដ្ឋ California ហើយទាមទារការយល់ព្រមពីចៅក្រម។ អតិថិជនបានអះអាងថា ក្តារចុច MacBook, MacBook Air និង MacBook Pro ជាច្រើនទទួលរងពីគ្រាប់ចុចស្អិត និងមិនឆ្លើយតបដោយខ្លួនឯង។ ម្យ៉ាងវិញទៀតប្រសិនបើមានធូលីតិចតួច ឬកំទេចកំទីតូចៗក៏អាចធ្វើឱ្យអ្នកប្រើប្រាស់ពិបាកក្នុងការវាយអក្សរផងដែរ។


សំណងនេះនឹងផ្ដល់ឱ្យអតិថិជនដែលបានទិញ MacBook, MacBook Air និងម៉ូដែល MacBook Pro ភាគច្រើននៅចន្លោះឆ្នាំ២០១៥ និង ២០១៩ នៅក្នុងរដ្ឋចំនួនប្រាំពីររបស់សហរដ្ឋអាមេរិក៖ កាលីហ្វ័រញ៉ា ផ្លរីដា អ៊ីលីណយ មីឈីហ្គែន ញូវជឺស៊ី ញូវយ៉ក និងវ៉ាស៊ីនតោន។ Apple បានបដិសេធចំពោះការធ្វើខុស​ ជាថ្នូរនឹងការយល់ព្រមក្នុងការដោះស្រាយ។ 


មេធាវីសម្រាប់អតិថិជនរំពឹងថា ទឹកប្រាក់ចំនួន ៣៩៥ដុល្លារនឹងផ្ដល់ឱ្យអតិថិជនដែលបានប្ដូរក្ដារចុចច្រើនដង ១២៥ដុល្លារសម្រាប់អ្នកដែលបានប្ដូរក្តារចុចម្ដង និង ៥០ដុល្លារសម្រាប់អ្នកដែលបានផ្លាស់ប្ដូរគ្រាប់ចុចណាមួយ៕


សូមចូលរួមសហការផ្សព្វផ្សាយព័ត៌មានពិត​ និងលុបបំបាត់ព័ត៌មានមិនពិត​ 


Copyrighted by

អ៊ុក សុវណ្ណដារារាជ្យ ជាចាងហ្វាង គេហទំព័រ សារព័ត៌មាន១រៀល 

➡️Website: www.muyreal-news.com

➡️ អ៊ុក សុវណ្ណដារារាជ្យ: https://www.facebook.com/silverturtle168

➡️Muyreal KH : https://www.facebook.com/silverturtlekhmer

➡️ Muyreal-News: https://www.facebook.com/Muyreal.Official/

➡️ Join our Group https://t.me/khshortnews

➡️👉 https://he1.me/lYWa 

🏦ABA BANK: 061662269

☎️061/066/010 662 269

 #muyreal-news #muyrealnews

                     ************

Post a Comment

0 Comments