សមត្ថកិច្ចឆ្មក់បង្ក្រាបទីតាំងជល់មាន់ និងល្បែងអាប៉ោងដ៏ធំ ក្រោមការដឹកនាំផ្ទាល់ពីអភិបាលខណ្ឌឫស្សីកែវ

រាជធានីភ្នំពេញ៖ ក្រោយទទួលបានព័ត៌មាន និងសេចក្ដីរាយការណ៍ច្បាស់ការពីទីតាំង​សង្វៀន​ជល់មាន់ និងល្បែងអាប៉ោងដ៏ធំមួយកន្លែង កំពុងតែជុំគ្នាលេងយ៉ាង​អានាធិបតេយ្យ​ ត្រូវបានកម្លាំង​គណៈបញ្ជការ​ឯក​ភាពខណ្ឌឬស្សីកែវ ដាក់កម្លាំងធ្មក់ចុះបង្ក្រាបឃាត់ខ្លួនមនុស្សចំនួន៤នាក់ ដកហូតមាន់ចំនួន ១៦ក្បាល សម្ភារៈល្បែងអាប៉ោង សម្ភារៈសម្រាប់ជល់មាន់ រថយន្តចំនួន០២គ្រឿង​ ម៉ូតូកង់បីឥណ្ឌា ចំនួន២គ្រឿង​ និងម៉ូតូចំនួន ០៩គ្រឿង។

 ប្រតិបត្តិការនេះ បញ្ជាផ្ទាល់ដោយលោក ឯក ឃុនដឿន អភិបាលនៃគណៈអភិបាលខណ្ឌឫស្សីកែវ ដឹកនាំកម្លាំងគណៈបញ្ជាការឯកភាពខណ្ឌឬស្សីកែវ ​ចុះឆ្មក់បង្ក្រាបទីតាំងសង្វៀនជល់មាន់ និងល្បែងស៊ីសងអាប៉ោង ធ្វើឡើងនៅវេលាម៉ោង៣និង២០នាទីរសៀល ថ្ងៃទី១៤ ខែមិថុនា ឆ្នាំ២០២២ ស្ថិតនៅដីឡូ ផ្លូវ៩៨ ភូមិទួលថ្ងាន់ សង្កាត់ទួលសង្កែទី២ ខណ្ឌឬស្សីកែវ រាជធានីភ្នំពេញ។

 លោក ឯក ឃុនដឿន អភិបាលខណ្ឌបានឲ្យដឹងថា មុនឈានដល់ការចុះឆ្មក់​បង្ក្រាប​ទីតាំងនេះ​បានសម្រេច​ ដោយទទួលបានសេចក្ដីរាយការណ៍និងព័ត៌មានច្បាស់ការ រួចហើយបានចាត់​កម្លាំង​ចុះច្បាមស្រាវជ្រាវ ​កំណត់ទីតាំងបានឡោមព័ន្ធចុះបង្ក្រាប់តែម្ដង។

 លោកអភិបាលខណ្ឌឫស្សីកែវបានបញ្ជាក់ថា ក្រោយប្រតិបត្តិការទីតាំង​រោង​ជល់មាន់នេះ​ដែល​ធ្វើពីដែក​ប្រក​ស័ង្កសី ​គឺឲ្យកម្លាំងរុះរើចេញឲ្យអស់មិនឲ្យកើតមានឡើងវិញឡើយ។

 ក្រោយពេល​បញ្ចប់ប្រតិបត្តិការទាំងមនុស្ស និង​វត្ថុតាង ត្រូវបាន​កម្លាំង​នាំយកទៅ​អធិការនគរបាល​ខណ្ឌឬស្សីកែវ ​ដើម្បីបន្តនីតិវិធី៕

copyrighted by៖ 

អ៊ុក សុវណ្ណដារារាជ្យ ជាចាងហ្វាង គេហទំព័រ សារព័ត៌មាន១រៀល ➡️Website: www.muyreal-news.com

➡️Facebook Account: https://www.facebook.com/silverturtle168/about

➡️Facebook Page Faith Kh: https://www.facebook.com/silverturtlekhmer

➡️Facebook Page Muyreal-News: https://www.facebook.com/Muyreal.Official

➡️ Join our Group https://t.me/joinchat/El1LolJoLJliYH7b 

➡️ Join our channel https://t.me/wanttostudy

🏦ABA BANK: 061662269

☎️061/066/010 662 269

                     ៚************៚៚