អ្នកញៀនល្បែងភ្នាល់ទឹកភ្លៀងចំនួន ១៦នាក់ ត្រូវបានកម្លាំង សមត្ថកិច្ច​ឃាត់ខ្លួន



ខេត្តបាត់ដំបង៖ ដោយអនុវត្តតាមការណែនាំបញ្ជាផ្ទាល់ពី​ ឯកឧត្ដម​ ឧត្ដមសេនីយ៍ទោ​ សាត​ គឹមសាន​ ស្នងការ​ នៃស្នងការដ្ឋាននគរបាលខេត្តបាត់ដំបង​ ក៏ដូចជាលោក​ វរសេនីយ៍ឯក​ លឹម​ ពុទ្ធីឡា​ ស្នងការរង​ ផែនការងារនគរបាលព្រហ្មទណ្ឌ​ និងមានការសម្របសម្រួលទៅលេីនីតិវិធីពីឯកឧត្ដម​ កែវ​ សុជាតិ​ ព្រះរាជអាជ្ញា​ នៃអយ្យការអមសាលាដំបូងខេត្តបាត់ដំបង​ នៅថ្ងៃទី១៦​ ខែមីនា​ ឆ្នាំ២០២២​ វេលាម៉ោង១០និង១៧នាទីព្រឹក លោកវរសេនីយ៍ឯក​ ឈឿង​ គឹមសុង​ នាយការិយាល័យ​ នគរបាលព្រហ្មទណ្ឌកម្រិតស្រាល​ បានដឹកនាំកម្លាំងការិយាល័យជំនាញ​ រួមនឹងក្រុមអន្តរាគមន៍​ បង្ការ​ បង្ក្រាប​ បានចុះប្រតិបត្តិការ​ បង្ក្រាបករណី​ ល្បែងស៊ីសង​ ( ភ្នាល់ទឹកភ្លៀង​ )​ ចំនួន​ ០២​ ទីតាំងផ្សេងគ្នា​ នៅក្នុងក្រុងបាត់ដំបង​  


1️⃣ ទីតាំងទី១​ ស្ថិតនៅក្នុងភូមិព្រៃកូនសេក​ សង្កាត់អូរចារ​ ក្រុងបាត់ដំបង​ ខេត្តបាត់ដំបង​ នាំខ្លួនមនុស្សចំនួន​ ០៧​ នាក់​ 


2️⃣ ទីតាំងទី២​ ស្ថិតនៅក្នុងភូមិរំចេក៤​ សង្កាត់រតនៈ​ ក្រុងបាត់ដំបង​ ខេត្តបាត់ដំបង​ នាំខ្លួនមនុស្សចំនួន​ ០៩​ នាក់​ មកកាន់ស្នងការដ្ឋាន​ 


  វត្ថុតាងដកហូតរួមមាន​ ​ 

-​ វិទ្យុទាក់ទងចំនួន​ ០៦​ គ្រឿង​ 

-​ ទូរសព្ទ័ដៃ​ ចំនួន​ ២៥​ គ្រឿង

-​ រថយន្តចំនួន​ ០៤​ គ្រឿង​ 

-​ ម៉ូតូចំនួន​ ០៨​ គ្រឿង​ 

-​ ម៉ូតូកង់បីឥណ្ឌា​ ចំនួន​ ០១​ គ្រឿង​ 

-​ កង់​ ចំនួន​ ០១​ គ្រឿង​ 


បច្ចុប្បន្នការិយាល័យជំនាញកំពុងតែធ្វេីការកសាងសំណុំរឿង​ ដេីម្បីបញ្ជូនទៅសាលាដំបូងខេត្តបាត់ដំបង​ ចាត់ការបន្តតាមនីតិវិធី​ 

Post a Comment

0 Comments