សមត្ថកិច្ចបង្ក្រាបក្រុមឧក្រិដ្ឋជន ៣នាក់ រឹបអូសគ្រឿងញៀនជាង ១០០ គីឡូក្រាម



រាជធានីភ្នំពេញ  សមត្ថកិច្ចជំនាញនៃមន្ទីរប្រឆាំងគ្រឿងញៀន បង្ក្រាបក្រុមឧក្រិដ្ឋជនគ្រឿងញៀន ៣នាក់ រឹបអូសគ្រឿងញៀនជាង១០០ គីឡូក្រាម នៅរាជធានីភ្នំពេញ  


 យោងតាមព័ត៌មានពីសមត្ថកិច្ចជំនាញ នៃមន្ទីរប្រឆាំងគ្រឿងញៀន ដែល ១រៀល ទទួលបាននារសៀលថ្ងៃទី២៥ មីនា បានឲ្យដឹងថាដោយអនុវត្តតាមបញ្ជា ឯកឧត្តម នាយឧត្ដមសេនីយ នេត សាវឿន អគ្គស្នងការនគរបាលជាតិ និងនាយឧត្ដមសេនិយ៍ ម៉ក់ ជីតូអគ្គស្នងការរងទទួលផែនប្រឆាំងបទល្មើសគ្រឿងញៀន ក្តោមការសម្របសម្រួលពី លោក ស៊ិត វណ្ណៈ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ចុះស្រាវជ្រាវ និងឈានទៅបង្ក្រាបដឹកជញ្ជូន រក្សាទុកសារធាតុញៀននៅ ៣ចំណុចផ្សេងគ្នាជាបន្តបន្ទាប់ 


ទី១៖ នៅចំណុច បណ្តោយផ្លូវជាតិ លេខ៤ បង្គោលគីឡូម៉ែតលេខ២៣ ទល់មុខរោងចក្រCPF ឃុំបែកចាន ស្រុកអង្គស្នួលខេត្តកណ្តាល ទី២៖ នៅចំណុច ផ្ទះលេខ២០ ផ្លូវលេខ១១ បុរីពិភពថ្មី សង្កាត់ភ្នំពេញថ្មី ខណ្ឌសែនសុខ ទី៣៖ នៅចំណុចផ្ទះគ្មានលេខ(ជាប់ផ្ទះលេខ Aផ្លូវលំលេខ៥៩៨ ភូមិទំនប់ សង្កាត់ភ្នំពេញថ្មី ខណ្ឌសែនសុខ ឃាត់ខ្លួនជនសង្ស័យ ៣នាក់ -ឈ្មោះ LI YANG ភេទប្រុស ជនជាតិចិន (តៃវ៉ាន់កើត១៩៨៨ លិខិតឆ្លងដែន (គ្មាន -ឈ្មោះ JEN HAO JUN ភេទប្រុស ជនជាតិចិន(តៃវ៉ាន់)កើត១៩៨៤ ឆ្លងដែន 360271474   -ឈ្មោះ CHEN POYEN ភេទប្រុស ជនជាតិចិន (តៃវ៉ាន់កើត១៩៩៣ឆ្លងដែន 307520541 


ចាប់យកវត្ថុតាង កេតាមីន (Ketamine) ទម្ងន់ ៩៩ .ក្រ ៦០២,០៣ ក្រាម , អ៊ិចស្តាស៊ី (MDMA) ទម្ងន់  .ក្រ ៣៧៩ ក្រាម , មេតំហ្វេតាមីន (WY) ទម្ងន់ ១៩០ ក្រាម


នីមេតាហ្សេប៉ាម (Nimetazepam) ទម្ងន់ , ក្រាម សារធាតុញៀនសរុប ទម្ងន់ ១០៧ .ក្រ ១៧៨,២៣ក្រាម 


ចំពោះជនសង្ស័យ ព្រមទាំងវត្ថុតាងចាប់យកសមត្ថកិច្ចជំនាញនៃមន្ទីរប្រឆាំងគ្រឿងញៀនបានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី 

Post a Comment

0 Comments