កំដៅសម្លទុកចោលបណ្ដាលឲ្យឆេះផ្ទះជួសជុលម៉ូតូអស់១ខ្នងនិងរាលដាលឆេះដល់ផ្ទះអ្នកជិតខាង​ ​រួមនិងភោជនីយដ្ឋាន​!

(ភ្នំពេញ​)៖ មានករណីអគ្គីភ័យមួយបានឆាបឆេះ​ផ្ទះ​ប្រជាពលរដ្ឋយ៉ាងសន្ធោសន្ធៅ ស្ថិតនៅផ្លូវបេតុងទ្រុងមាន់ ក្នុងភូមិទ្រា៤​ សង្កាត់ស្ទឹងមានជ័យទី៣​ ខណ្ឌមានជ័យ​ បង្កការភ្ញាក់ផ្អេីលជាខ្លាំងដល់អ្នកជិតខាង​ និងអាជ្ញាធរមូលដ្ឋានចុះមកធ្វើអន្តរាគមន៍​ កាលពីវេលា​ម៉ោង១និង៤៧នាទីរសៀល​ ថ្ងៃទី១១​ ខែកុម្ភៈ​​ ឆ្នាំ២០២២​។

​ 

យោងតាមប្រភពបានឱ្យដឹងថា​ មុនពេលកេីតហេតុ​គឺ ម្ចាស់ទីតាំងខាងលេីបានកំដៅសម្លទុកចោល  បណ្តាលឱ្យឆាបឆេះផ្ទះជួសជុលម៉ូតូយ៉ាងឆាប់រហ័ស​ និងចេញជាអណ្ដាតភ្លេីងយ៉ាងសន្ធោសន្ធៅ​ ។ 

បង្កការភ្ញាក់ផ្អេីលដល់អ្នកជិតខាងជួយដងទឹក​ និងទាញទុយយោទឹកមកបាញ់ពន្លត់​នៅតែមិនអាចគ្រប់គ្រងស្ថានការណ៍បាន​ឡើយទេីបរាយការណ៍ទៅអាជ្ញាធរ​មូលដ្ឋាន​ និងសមត្ថកិច្ចជំនាញពន្លត់ បង្ការ​និងសង្គ្រោះអគ្គីភ័យ ចេញរថយន្តអន្តរាគមន៍បាញ់ទឹកពន្លត់​ ។

​ 

ក្រោយពីទទួលបានដំណឹងនេះភ្លាម កម្លាំងសមត្ថកិច្ចជំនាញបង្ការពន្លត់អគ្គីភ័យ និងសង្គ្រោះនៃស្នងការដ្ឋាននគរបាលរាជធានីភ្នំពេញ​បានចេញរថយន្តពន្លត់ចំនួន៩គ្រឿង មកជួយអន្តរាគមន៍​បាញ់ទឹកពន្លត់​ ដោយប្រេីពេលវេលាតែមួយម៉ោង​ និងប្រេីទឹកអស់តែ៧ឡានប៉ុណ្ណោះ ក៏រលត់ទៅវិញជាស្ថាពរ​ ។

​ 

ចំពោះករណីអគ្គិភ័យនេះ​ បានធ្វេីឱ្យផ្ទះជួសជុលម៉ូតូមួយល្វែង​ និងសម្ភារៈជាច្រេីនខូចខាតទាំងស្រុង​ ក្នុងនោះក៏មានការឆេះរោលរាលដល់ផ្ទះ​អ្នកជិតខាង​ និងភោជនីយដ្ឋាន​នៅជាប់គ្នារងការខូចខាតសម្ភារៈអស់មួយចំនួនផងដែរ​ ។ 

ចំពោះមូលហេតុនៃការឆាបឆេះនេះ​គឺ​ បណ្ដាលមកពីកំដៅសម្លរទុកចោល​ តែសំណាងដែរដែលមិនមានមនុស្សណាម្នាក់រងរបួស​ ឬគ្រោះថ្នាក់​អគ្គីភ័យនេះ​ទេ ៕