ក្រុមកម្មករធ្វើផ្លូវម្តុំផ្សារចាស់ក្រុងសៀមរាបស្នើសុំសមត្ថកិច្ចជួយដោះស្រាយរឿង សេង ពេជ្រ មិនបើកប្រាក់កម្លាំងពលកម្មជាច្រើនខែ

ខេត្តសៀមរាប៖ នៅព្រឹកថ្ងៃទី១២ ខែកុម្ភៈ ឆ្នាំ២០២២ ក្រុមកម្មករធ្វើផ្លូវ៣៨ខ្សែក្នុងក្រុងសៀមរាប បាននាំគ្នាតវ៉ាសុំបើកប្រាក់ខែពីមេការម្នាក់ឈ្មោះ សេង ពេជ្រ ដោយសារតែមេការនោះមិនបើកប្រាក់កម្លាំងពលកម្ម ឲ្យពួកគាត់ជាច្រើនខែមកហើយ ម

បើយោងតាមការរៀបរាប់ពី ក្រុមកម្មករបានអោយដឹងថា ក្រុមពួកគាត់ជាកម្មករធ្វើផ្លូវមានគ្នាជិត៣០នាក់ ទទួលបន្ទុកធ្វើផ្លូវ៥ខ្សែ នៅជុំវិញផ្សារចាស់ ក្នុងភូមិមណ្ឌល១ សង្កាត់ស្វាយដង្គំ ក្រុងសៀមរាប ខេត្តសៀមរាប ។

ក្រុមកម្មករបន្តទៀតថា កន្លងមកលោក សេង ពេជ្រ ជាមេការមិនដែលបើកប្រាក់ខែអោយទេ គាត់តែងអោយកម្មករខ្ចីលុយ អ្នកខ្លះខ្ចីបាន៤០មុឺនរៀលឬ៦០មុឺននិង១លានរៀល តាមចិត្តដែលគាត់អោយខ្ចី ។

ឥឡូវនេះក្រមកម្មករបានធ្វើផ្លូវរួចរាល់ហើយ ប៉ុន្តែមេការឈ្មោះ សេង ពេជ្រ មិនបើកលុយអោយហើយចោទថាខាងក្រុមហ៊ុនមិនទំលាក់លុយអោយ ។

ទើបក្រុមកម្មករមកតវ៉ាដល់ក្រុមហ៊ុនសុំបើកប្រាក់ខែ តែតំណាងក្រុមហ៊ុនឆ្លើយថា ក្រុមហ៊ុនបានទុំលាក់លុយអោយលោក សេងពេជ្រ គ្រប់គ្រាន់អស់ហើយ បើទោះបីជាយ៉ាងណា ក៏ខាងក្រុមហ៊ុនបានសន្យាថា នឹងជួយសម្រប់សម្រួលការបាត់បងប្រាក់ខែនេះ ។