Muyreal -News

Muyreal -News
Muyreal -News

បុរសម្នាក់តាំងខ្លួនជាអ្នកសារព័ត៌មាន​ មកជួយចរចារក្នុងគ្រោះថ្នាក់ចរាចរណ៍ ហេីយឆក់យកលុយ៥០០$ពីអ្នករងគ្រោះគេចទៅបាត់ដោយប្រាប់ថា “យកទៅចែកអ្នកសារព័ត៍មានផ្សេងទៀត”

 



រាជធានីភ្នំពេញ  មានគ្រោះថ្នាក់ចរាចរណ៍មួយរវាង រថយន្ត PRIUS ពាក់ស្លាកលេខភ្នំពេញ 2BL-1658 បេីកបរដោយបុរសជនជាតិចិនម្នាក់​ និងនារីម្នាក់ទៀតជាអ្នករួមដំណេីរជាមួយ​ ទៅបុកជាមួយម៉ូតូឌ្រីមសង់​ ពាក់ស្លាកលេខកណ្ដាល 1AC-7128 បណ្ដាលឲ្យភាគីខាងម៉ូតូរងរបួសមធ្យមទាំង២នាក់​ ហេតុការណ៍នេះកេីតឡេីងនៅចំណុចលេីស្ពានអាកាស៥មករា(ស្ពានអាកាសតិចណូ)​ សង្កាត់ទឹកល្អក់ទី១​ ខណ្ឌទួលគោក​ កាលពីវេលាម៉ោង០១:៤០នាទីយប់រំលងអាធ្រាត្រ​ ឈានចូលថ្ងៃទី៨ ខែមករា​ ឆ្នាំ២០២២នេះ​  


ប្រភពពីកន្លែងកេីតហេតុបានអោយដឹងថា​ មួយសន្ទុះក្រោយ បន្ទាប់ពីកេីតហេតុគ្រោះថ្នាក់ចរាចរណ៍នេះ គេឃេីញបុរសម្នាក់ដែលតាំងខ្លួនជាអ្នកសារព័ត៌មាន(មិនស្គាល់អង្គភាព)​ មកដល់កន្លែងកេីតហេតុដែរ តែមិនឃេីញផ្ដិតយករូបភាពអ្វីក្នុងហេតុការណ៍នោះទេ​ បែរជាចូលទៅធ្វេីជាតំណាងក្នុងការដោះស្រាយ ជាមួយភាគីខាងជនជាតិចិននោះ​ តែមិនចេះភាសារចិនអ្វីបន្តិចឡេីយ​ ដោយទូរស័ព្ទទៅអ្នកស្គាល់គ្នាដែលចេះភាសារចិនជួយបកប្រែឲ្យ​ ដោយខាងម៉ូតូទាមទារសំណង១ពាន់ដុល្លារសម្រាប់ជួសជុលម៉ូតូនិងព្យាបាលរបួសទាំងពីរនាក់ រួចឲ្យប្រាប់ទៅអ្នកបកប្រែនិងអោយអ្នកបកប្រែតាមទូរស៍ព្ទនោះ រៀបរាប់ប្រាប់បុរសជនជាតិចិនស្រវឹងស្រាដែលបេីករថយន្តបង្កនោះចរចារគ្នាអស់ពេលមួយសន្ទុះធំ ដោយសារព័ត៌មានជាច្រេីនអង្គភាពទៀតចុះមកយកព័ត៌មាននោះធ្វេីការសួរនាំរួចហេីយក៏ចេញទៅយកព័ត៌មានផ្សេងទៀតបាត់អស់ទៅ​ នៅសល់តែភាគីខាងម៉ូតូនិងបងប្អូន​ រួមទាំងបុរសម្នាក់ដែលតាំងខ្លួនជាអ្នកសារព័ត៌មានចូលទៅដោះស្រាយអោយនោះ រួចភាគីខាងជនជាតិចិនដែលបេីករថយន្តបង្កក៏យល់ព្រមសងសំណង១ពាន់ដុល្លារទៅអោយភាគីខាងម៉ូតូដេីម្បីបញ្ចប់រឿងផងដែរ​ ហេីយបេីករថយន្តចេញទៅបាត់ទៅ​ ស្រាប់តែបុរសដែលតាំងខ្លួនជាអ្នកសារព័ត៌មានចូលទៅដោះស្រាយអោយនោះ បានទាមទារលុយ៥០០ពីខាងម៉ូតូរងគ្រោះ​ ដោយនិយាយថា​ “កុំតែបានរូបគេជាអ្នកទូរស័ព្ទអោយគេបកប្រែអោយដេីម្បីដោះស្រាយបានសំណងប៉ុណ្ណឹងទេ​ កុំអីមិនដឹងខាងរថយន្តចិននោះសងមិនដល់ប៉ុណ្ណឹងផង​“ ហេីយជនរងគ្រោះមិនអោយផង​ បែរជាក៏កញ្ឆក់លុយចំនួន៥០០ពីដៃភាគីខាងម៉ូតូ​ ហេីយរត់ឡេីងកង់បីឥណ្ឌា​ ជិះចេញទៅ​ និងប្រាប់ថា​ “យកទៅចែកអ្នកសារព័ត៌មានផ្សេងទៀត”  


ក្នុងនាមជាអ្នកសារព័ត៌មាន​ ដែលតែងតែដេីរយកព័ត៌មាននិងផ្សាយផ្ទាល់ ជាមួយនិងអ្នកសារព័ត៌មានអង្គភាពផ្សេងៗទៀតប្រចាំរាល់រាត្រី​ សូមបដិសេធចោលទាំងស្រុងថា​ បុគ្គលដែលតាំងខ្លួនជាអ្នកសារព័ត៌មានម្នាក់នោះ​ មិនដែលឃេីញមុខចេញយកព័ត៌មានឡេីយ​​ បេីជាអ្នកយកព័ត៌មានក៏មិនស្គាល់ពីអង្គភាពដែរ​ តែបេីសិនជាអ្នកយកព័ត៌មានមែន​ ឬមិនមែន សូមស្នេីរដល់សមត្ថកិច្ចគ្រប់ជាន់ថ្នាក់​ ស្រាវជ្រាវឃាត់ខ្លួនបុគ្គលនេះ​ មកសួរនាំនិងមានវិធានការតាមច្បាប់ផងចុះ​ 

Post a Comment

0 Comments