គួរឱ្យសង្វេគណាស់ ! បុរសម្នាក់បានស្លាប់នៅលើរថយន្តពេលកំពុងបើកបរ

(ខេត្តកោះកុង)៖ តាមសេចក្តីរាយការណ៍បានឲ្យដឹងថានៅវេលាម៉ោង១៥:៣០នាទីនារសៀល ថ្ងៃទី៩ ខែមករា ឆ្នាំ២០២២នេះ បុរសម្នាក់បានស្លាប់ភ្លាមៗ ដោយសារគាំងបេះដូងនៅលើរថយន្តរបស់ខ្លួន ពេលកំពុងបើកបរតាមផ្លូវ ហេតុការណ៍នេះបានកើតឡើងត្រង់ចំណុចភូមិទី៣ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ។

តាមសេចក្តីរាយការណ៍បានបន្តថា ជនរងគ្រោះឈ្មោះ ណូ ពៅ ភេទប្រុស អាយុ៥៤ឆ្នាំ បុខរបរលក់ដូរ រស់នៅភូមិទី២ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ។

បច្ចុប្បន្នសមត្ថកិច្ចបានឱ្យដឹងថាក្រោយការពិនិត្យរួចរាល់ សមត្ថកិច្ចជំនាញត្រូវបានប្រគល់រថយន្ត ,សម្ភារៈ និង សាកសពជូនប្រពន្ធជនរងគ្រោះ ដើម្បីយកទៅធ្វើបុណ្យតាមប្រពៃណី ៕