សិស្ស២នាក់រងរបួសធ្ងន់ក្នុងគ្រោះថ្នាក់ចរាចរណ៍រវាងរថយន្តនិងម៉ូតូនៅជិតចំណោតលោកយាយម៉ៅ

ក្រុងព្រះសីហនុ-នៅវេលាម៉ោង​ ០៦:៥០នាទីព្រឹក ថ្ងៃទី១៩ ខែមករា​ ឆ្នាំ២០២២ លេីផ្លូវ​ បេតុង ត្រង់ចំណុច​ ជិតចំណោតលោកយាយម៉ៅ ស្ថិតនៅ​ក្នុង ភូមិ៣​ សង្កាត់លេខ​៣ ក្រុង/ខេត្តព្រះសីហនុ ​មានករណីគ្រោះថ្នាក់ចរាចរណ៍មួយកើតឡើង រវាង​ រថយន្ត ០១គ្រឿងម៉ាក​ PRUIS ពណ៌ ទឹកប្រាក់​ ពាក់ផ្លាកលេខ តាកែវ2-3295 មានទិសដៅពី ចំណោទលោកយាម៉ៅ ​ឆ្ពោះទៅ​ ទំនប់រលកអ្នកបើកបរ​មិនស្គាល់អត្តសញ្ញាណ​ លុះមកដល់ចំណុចខាងលើ ត្រូវបានបុកម៉ូតូ ០១គ្រឿងម៉ាក​ HONDA C125 ពណ៌​ ខ្មៅ​ ពាក់ផ្លាកលេខ​ ព្រះសីហនុ1H-6345 មានទិសដៅ​ ផ្ទុយគ្នា​ អ្នកបេីកបរ​ឈ្មោះ​ រ៉ន​ កណ្ណិកា​ ភេទស្រី​ អាយុ​ ១៥ឆ្នាំ​ រួមដំណេីរមនុស្ស​ ០១នាក់​ ឈ្មោះ​ វង្ស​ ស្រីនា​ ភេទស្រី​ អាយុ​ ១៥ឆ្នាំ​ អ្នកទាំងពីរ ជាសិស្ស​ នៅវិទ្យាល័យក្រុងព្រះសីហនុ និង​ មានទីលំនៅ​ ​ភូមិ៣​ សង្កាត់លេខ១ ក្រុង/ខេត្តព្រះសីហនុ ។​

   ករណីគ្រោះថ្នាក់ចរាចរណ៍ខាងលើនេះ​ បណ្ដាលឱ្យ រងរបួសធ្ងន់មនុស្ស ០២នាក់ (ភេទស្រី)​ ៖

​១-ឈ្មោះ​ រ៉ន​ កណ្ណិកា​ អ្នកបេីកបរម៉ូតូ​ រងរបួសធ្ងន់

២-ឈ្មោះ​ វង្ស​ ស្រីនា​ អ្នករួមដំណេីរលេីម៉ូតូ​ រងរបួសធ្ងន់​ 

អ្នករបួសទាំងពីរ​ បានដឹកទៅសង្រ្គោះនៅមន្ទីរពេទ្យបង្អែកខេត្ត​ ។ 

   ក្រោយពេលកេីតហេតុ​ អ្នកបេីកបររថយន្តរត់គេចខ្លួនបាត់ ។ 

   រីឯវត្ថុតាង​​ រថយន្ត​ និង​ ម៉ូតូ​​​ នគរបាលជំនាញ​យកទៅរក្សាទុកនៅការិយាល័យនគរបាលចរាចរណ៍ផ្លូវគោក​ ៕