Muyreal -News

Muyreal -News
Muyreal -News

ករណីឆេះរថយន្ត១គ្រឿងនៅក្រុងព្រះសីហនុ មូលហេតុមកពីឆ្លងចរន្តខ្សែភ្លើងកៅអីអង្គុយខាងមុខរថយន្ត!



(ព្រះសីហនុ) អគ្គីភ័យមួយ បានឆាបឆេះរថយន្តម៉ាក AlPHARD ពណ៌ស ពាក់ស្លាកលេខភ្នំពេញ BB ៧១៥៨ ម្ចាស់រថយន្តជាជនជាតិចិន ភេទប្រុស កាលពីវេលាម៉ោង ០៨:៥០នាទី ព្រឹកថ្ងៃទី០៤ ខែធ្នូ ឆ្នាំ២០២១។


ក្នុងនោះកម្លាំងជំនាញនៃការិយាល័យជំនួយមនុស្សធម៌ និងសង្គ្រោះគ្រោះមហន្តរាយ កងរាជអាវុធហត្ថខេត្ត  ចំនួន ០៨នាក់ ដឹកនាំដោយ លោកវរសេនីយ៍ឯក វង្ស ប៊ុនថន មេបញ្ជាការរងកងរាជអាវុធហត្ថខេត្ត 


បានដឹកនាំកម្លាំងជំនាញ ចុះអន្តរាគមន៍សង្រ្គោះបាញ់ទឹកពន្លត់ ដើម្បីទប់ស្កាត់កុំឱ្យឆេះរាលដាលធ្ងន់ធ្ងរ ស្ថិតនៅចំណុចភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ  


កម្លាំងជំនាញបានប្រើប្រាស់រថយន្តពន្លត់អគ្គីភ័យ ០១គ្រឿង និងសហការជាមួយកម្លាំងស្នងការនគរបាលខេត្ត។ 


ករណីនេះ បានឆេះខូតខាតរថយន្តស្ទើរទាំងស្រុង និងសម្ភារ:មួយចំនួន តែមិនបណ្តាលឱ្យមនុស្សរងរបួសឬគ្រោះថ្នាក់ដល់អាយុជីវិតឡើយ  


ចំពោះមូលហេតុបណ្តាលមកពីឆ្លងចរន្តខ្សែភ្លើងកៅអីអង្គុយខាងមុខរថយន្ត៕

Post a Comment

0 Comments