ស្ត្រីកត់កន្ទុយលេខម្នាក់ ត្រូវនគរបាលស្រុកលើកដែកឃាត់ខ្លួន បន្ទាប់ពីទទួលបានព័ត៌មានពីពលរដ្ឋ

កណ្តាល៖ កម្លាំងយុត្តិធម៌របស់នគរបាលស្រុកលើកដែក ធ្វើការឃាត់ខ្លួនស្ត្រីម្នាក់ដែលជាអ្នកកត់ឆ្នោតវៀតណាមខុសច្បាប់ បន្ទាប់ពីទទួលបានព័ត៌មានពីពលរដ្ឋ ។ 

ហេតុការណ៌ចុះបង្ក្រាបនេះធ្វើឡើងនៅថ្ងៃទី២៨ ខែធ្នូ ឆ្នាំ២០២១ វេលាម៉ោង១៥និង៣០នាទី នៅចំណុចផ្សារដើមដូង ស្ថិតក្នុងភូមិស្ពានដែក ឃុំព្រែកទន្លាប់ ស្រុក លើកដែក ខេត្តកណ្តាល។ 

ជនសង្ស័យឈ្មោះ ផល ស្រីម៉ៃ ភេទស្រី អាយុ២៦ឆ្នាំ ជនជាតិខ្មែរ មុខរបរកត់កន្ទុយលេខ មានទីលំនៅភូមិ ស្ពានដែក ឃុំព្រែកទន្លាប់ ស្រុកលើកដែក ខេត្តកណ្ដាល។ 

នគរបាលស្រុកលើកដែក បានប្រាប់អោយដឹងថា នៅថ្ងៃទី២៨ ខែធ្នូ ឆ្នាំ២០២១ កម្លាំងប៉ុស្តិ៍រដ្ឋបាលព្រែកទន្លាប់បានទទួលពត៌មានពីប្រជាពលរដ្ឋល្អ មានការលេងល្បែងស៊ីសងខុសច្បាប់(កត់កន្ទុយលេខវៀតណាម)នៅចំណុចផ្សារដើមដូងភូមិស្ពានដែក ឃុំព្រែកទន្លាប់ ក្រោយពីទទួលបានពត៌មានភា្លមនោះផ្នែកស្រុកបានដឹកនាំកម្លាំងផ្នែកជំនាញនគរបាលយុត្តិធម៌នៃអធិការដ្ឋាននគរបាលស្រុក សហការជាមួយកម្លាំងប៉ុស្តិ៍រដ្ឋបាលព្រែកទន្លាប់ ចុះដល់ចំណុចកើតហេតុខាងលើពេលនោះ ពេលកម្លាំងយើងចូលទៅដល់ក៏ឃើញជនសង្ស័យខាងលើកំពុងអង្គុយកត់កន្ទុយលេខ (ឆ្នោត) ហើយកម្លាំងយើងក៏បាននាំជនសង្ស័យ និងវត្ថុតាងខាងលើបញ្ជូនមកកាន់ អធិការដ្ឋាននគរបាលស្រុកដើម្បីចាត់ការតាមនីតិវិធី៕