ឆ្លងចរន្តអគ្គិសនីឆេះផ្ទះគ្រូបង្រៀនបំផ្លាះទ្រព្យសម្បត្តិទាំងស្រុងគ្មានសល់អ្វីឡើយ

ខេត្ត​បាត់ដំបង​៖ ថ្ងៃព្រហស្បតិ៍ ១៣ រោច ខែកត្តិក ឆ្នាំឆ្លូវ ត្រីស័ក ពស ២៥៦៥ ត្រូវនឹងថ្ងៃទី០២ ខែធ្នូ ឆ្នាំ២០២១​ នៅវេលាម៉ោង១២:៣០​ នាទីរំលងអធ្រាត្រ ស្ថិតនៅចំណុចក្រុមទី០១ ភូមិស្វាយ ឃុំបឹងរាំង ស្រុកកំរៀង ខេត្តបាត់ដំបង មានករណីអគ្គិភ័យកើតឡើងចំនួន០១លើក បណ្តាលឲ្យឆេះផ្ទះចំនួន​០១ខ្នង (ឆេះទាំងស្រុង) ទំហំ ៥x៤​ មែត្រ​ ធ្វើពីឈើ ប្រក់ស័ង្កសី របស់ម្ចាស់ឈ្មោះ តន់ ទិតភេទ​ ប្រុស អាយុ ៤២​ ឆ្នាំ មុខរបរគ្រូបង្រៀន រស់នៅក្នុងភូមិ ឃុំកើតហេតុខាងលើ​ ។

+​ សម្ភារខូចខាតរួមមាន៖

-​ ឆេះផ្ទះចំនួន ០១​ ខ្នង

-​ ឆេះម៉ូតូចំនួន ០១គ្រឿង

-​ ឆេះអង្ករចំនួន ០១ការ៉ុង 

-​ សម្លៀកបំពាក់មួយចំនួនធំ និងសម្ភារប្រើប្រាស់ក្នុងផ្ទះមួយចំនួនទៀត​ ។

+​ មូលហេតុ:​ បណ្តាលមកពីផ្ទុះសេខ្សែភ្លើង​ ។

+​ ភ្លាមៗនោះបានចេញរថយន្ត​អន្តរាគមន៍​ពន្លត់អគ្គិភ័យចំនួន ០១​ គ្រឿង និងប្រើប្រាស់ទឹកអស់ចំនួន ០១​ រថយន្ត​ ៕