Muyreal -News

Muyreal -News
Muyreal -News

ពីរនាក់ប្តីប្រពន្ធស្លាប់ក្នុងអគ្គីភ័យឆេះផ្ទះមួយកន្លែងនៅខណ្ឌកំបូល




រាជធានីភ្នំពេញ៖ ប្ដីប្រពន្ធវ័យចំណាស់ពីរនាក់ ត្រូវបានស្លាប់ពេលបញ្ជូនដល់មន្ទីរពេទ្យ បន្ទាប់ពីមានអគ្គិភ័យឆាបឆេះក្នុងផ្ទះ  


ករណីគ្រោះអគ្គិភ័យបណ្ដាលឲ្យមានមនុស្សស្លាប់នេះ បានកើតឡើងកាលពីវេលាម៉ោង១២និង១០នាទីយប់រំលងអធ្រាត្រ​ ឈានចូលថ្ងៃទី៣០ ខែវិច្ឆិកា ឆ្នាំ២០២១ ស្ថិតតាមបណ្ដោយផ្លូវបេតុង ​ក្នុងបុរីគឹមសាន្ត ភូមិតាកេរ្តិ៏ សង្កាត់កំបូល ខណ្ឌកំបូល រាជធានីភ្នំពេញ​ 


សមត្ថកិច្ចឲ្យដឹងថា​ ម្ចាស់ផ្ទះជាប្តីមានឈ្មោះ សុផល អាយុ៦០ឆ្នាំជាង ជនជាតិខ្មែរ មុខរបរជាមន្ត្រីរាជការ រីឯប្រពន្ធមានឈ្មោះ​ សុខខុម​ អាយុ៥០ឆ្នាំ ជនជាតិខ្មែរ មុខរបរមេផ្ទះ ស្នាក់នៅផ្ទះកើតហេតុខាងលើ​ 


ប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញ​ មានអណ្ដាតភ្លើងឆេះចេញពីក្នុងផ្ទះ​ លាយលំជាមួយផ្សែងហ៊ុយ​ និង​ សំឡេងម្ចាស់ផ្ទះស្រែកឲ្យគេជួយផងភ្លើងឆេះផ្ទះខ្ញុំហើយ  


ភ្លាមនោះប្រជាពលរដ្ឋដែលមានផ្ទះនៅជិតនោះ បាននាំគ្នាយកបំពង់ពន្លត់អគ្គីភ័យ​ មកជួយបាញ់ពន្លត់តែមិនរលត់ ក៏បានរាការណ៍ទៅសមត្ថកិច្ច​ ឲ្យចេញរថយន្តមកបាញ់ជួយពន្លត់​ និង ​ជួយសង្គ្រោះម្ចាស់ផ្ទះពីរនាក់ប្ដីប្រពន្ធ​ យកទៅសង្គ្រោះនៅឯមន្ទីរពេទ្យ​ តែជាអកុសលជនរងគ្រោះនាក់ប្តីប្រពន្ធបានស្លាប់ជាបន្តបន្ទាប់ 


បើតាមសមត្ថកិច្ចជំនាញបានឱ្យដឹងថា គ្រោះអគ្គីភ័យនេះផ្ដើមចេញពីឆ្លងចរន្តអគ្គិសនី ព្រមទាំងឆេះទ្រព្យសម្បត្តិក្នុងផ្ទះទាំងស្រុង 

Post a Comment

0 Comments