ពេលក្រត្អូញត្អែរថាវេទនា មានទ្រព្យហូរហៀរដេកមិនលក់ភ័យបារម្មណ៍

និទានគតិលោក៖ អ្នកធ្លាក់ស៊ីក្លូរម្នាក់ យប់ឡើងគាត់តែងទៅសម្រាក នៅមុខសំយ៉ាបហាងលក់មាសមួយ។ អត់ទ្រាំមិនបាន គាត់ក៏ដាច់ចិត្តសុំសួរទៅកាន់បុរសជាម្ចាស់ហាងមាស។

- កម្មករស៊ីក្លូរ៖ បងមាន មាស មានលុយច្រើនហើយ តែឃើញបងធ្វើការងាររាល់ថ្ងៃ រហូតដល់យប់ជ្រៅម៉ោង១២ ម៉ោង១យប់។ ម៉េចបង មិនសម្រាកខ្លះ? 

- ម្ចាស់ហាងមាស មិនបានឆ្លើយតបទេ ក៏ដកលុយ ៣០០$ ជូនទៅបុរសកម្មករស៊ីក្លូរ។

- លុះ៣ថ្ងៃក្រោយមក បុរសកម្មករស៊ីក្លូរ ដាច់ចិត្តយកលុយនោះ ប្រគល់ជូនម្ចាស់ហាងវិញ ហើយនិយាយថា៖ «តាំងពីបានលុយនេះខ្ញុំដេកមិនលក់ទល់ភ្លឺ ជារៀងរាល់យប់» ព្រោះខ្លាចបាត់ផង ខ្លាចត្រូវគេវាយយកផង៕