តើករណីកូនបំណុលគ្មានលទ្ធភាពសង ម្ចាស់បំណុលត្រូវធ្វើដូចម្ដេច?

 តើករណីកូនបំណុលគ្មានលទ្ធភាពសង ម្ចាស់បំណុលត្រូវធ្វើដូចម្ដេច?

ម្ចាស់បំណុលអាចប្ដឹងទៅតុលាការ សុំលក់ដីដែលបញ្ចាំ តាមច្បាប់ ។ វិធីនេះ ដើម្បីការពារផលប្រយោជន៍ទាំងកូន បំណុល និងម្ចាស់បំណុល ។ យោងតាមក្រមនីតិវិធីរដ្ឋប្បវេណី ៖

១. តុលាការ ដាក់ដេញថ្លៃ នូវដីធ្លីដែលបាន បញ្ចាំ ។ (មាត្រា ៣៣៤)

២. អំឡុងពេលដេញថ្លៃ កូនបំណុលនៅតែអាច ប្រើប្រាស់ដីធ្លី នោះបាន ។ (មាត្រា ៤២១ កថាខណ្ឌទី៣)

៣. មុនដេញថ្លៃ តុលាការជ្រើសតាំង អ្នកវាយ តម្លៃ និងវាយតម្លៃដីធ្លីតាមតម្លៃទីផ្សារ ។ (មាត្រា ៤៣០)

៤. ក្រោយវាយតម្លៃ តុលាការកំណត់ តម្លៃទាប បំផុត សម្រាប់ឱ្យដេញថ្លៃ ។ (មាត្រា ៤៣២)

៥. តុលាការសម្រេចលក់ ក្រោយមានអ្នក ទិញ តម្លៃខ្ពស់បំផុត។ (មាត្រា ៤៣៩-៤៤២)

៦. តុលាការ ចែកប្រាក់ពីការលក់ ដល់ម្ចាស់ បំណុល ។ ប្រាក់នៅសល់ ត្រូវប្រគល់ឱ្យទៅ កូនបំណុល ។ (មាត្រា ៤៨៩)៚រៀនច្បាប់៚