គតិគួរពិចារណា​ គួរពិភាក្សា​ និងគួរខ្វល់ព្រួយបារម្ភ!



ឯកត្តជននិយាយថា៖​ “ខ្ញុំផឹកស៊ីតែខ្ញុំ​ ថតបង្ហោះក្នុងប្រូហ្វាលខ្ញុំ​ អត់បានទៅប៉ះពាល់នរណាទេ” ហេីយ​ មានខ្លះទៀតជាម្ចាស់ហាងស៊ីផឹក​ ក៏បញ្ចេញទស្សន:ស្រដៀងគ្នានេះដែរ​ “ខ្ញុំលក់ដូរ​ លេីកស្លាកមុខហាងខ្ញុំទេតេី​ មានបានប៉ះពាល់ដល់នរណា?”


ទន្ទឹមនឹងនោះ​ អ្នកសារព័ត៌មានល្បីៗ​ និងទូរទស្សន៍ពេញនិយម​ ក៏បានការពារខ្លួនដែរថា “ពួកយើងផ្សាយដេីម្បីរកចំណូលទប់ទល់ការចំណាយក្នុងអង្គភាព​ យេីងមានបានចាប់បង្ខំគេឱ្យទិញផឹកឯណា?”


ចំណែករោងចក្រសហគ្រាសផលិតស្រាបៀរ​ ពោលថា “យេីងផលិតលក់ក្នុងទីផ្សារប្រកួតប្រជែង​ ទីផ្សារសេរី​ យេីងផ្សព្វផ្សាយជំរុញបរិមាណលក់​ ស្របតាមផែនការយុទ្ធសាស្ត្ររបស់ក្រុមការងារម៉ាឃីធីង​ យេីងមិនបានបង្ខំនរណាឱ្យផឹកទេ​ វាជាសិទ្ធិរបស់បុគ្គលម្នាក់ៗក្នុងការសម្រេចចិត្ត​ ហេីយការផលិតលក់ក៏ជាសិទ្ធិអាជីវកម្មរបស់យេីងដូចគ្នា។

_____________


គតិគួរពិចារណា​ គួរពិភាក្សា​ និងគួរខ្វល់ព្រួយបារម្ភ!

ពួកយើងរស់ក្រោមមេឃតែមួយ​ ជិះលេីដងផ្លូវតែមួយ​ នៅលេីទូកតែមួយ​ ត្រូវតែជួយថែទាំងអស់គ្នា។ ជីវិតអ្នក​ គឺជាកោសិកាសង្គម​ បេីអ្នកខូចស្អុយ​ វាជាបន្ទុកសង្គម។ ក្នុងផ្ទះ​ បេីមនុស្សតែ១នាក់ប្រមឹកខួបហេីយនោះ អពមង្គល​ ចង្រៃនានានឹងជ្រាបចូលដល់សមាជិកគ្រួសារ។   គ្រួសារមួយដែលគ្មានគុណភាព​ រំខានគេមួយភូមិ។ ភូមិមួយអាក្រក់​ ស្អុយទាំងឃុំ​ រលំទាំងស្រុកតែម្ដង។ 

______________


តេីអ្នកនៅតែចិញ្ចឹមគំនិតថា​ “ខ្ញុំផឹកតែខ្ញុំ​ បង្ហោះហ្វេសប៊ុគតែខ្ញុំ​ មិនបានប៉ះពាល់នរណា” ជាគំនិតត្រឹមត្រូវហេីយឬនៅ?


ប្រភព Facebook

Post a Comment

0 Comments