អគ្គិភ័យឆេះហាងគុយទាវឡូសឺនៅក្បែរផ្សារទំនើបរតនាផ្លាហ្សា



ករណីគ្រោះអគ្គិភ័យមួយដែលបានកើតឡើង នៅវេលាម៉ោង​ ៥និង២០នាទីល្ងាច ថ្ងៃទី១៦​ ខែកញ្ញា​ ឆ្នាំ២០២១នេះ ដែលស្ថិតនៅចំណុចហាងគុយទាវ​ ឡូសឺ​ ផ្ទះលេខP63 ផ្លូវភ្លីសឺ ក្រុម៥​ ភូមិចុងថ្នល់ខាងកេីត សង្កាត់ទឹកថ្លា​  ខណ្ឌសែនសុខ​ រាជធានីភ្នំពេញ​ ព្រមទាំងបំផ្លាញសម្ភារៈអស់ទាំងស្រុង។ 

លោកវរសេនីយ៍ឯក​ ព្រហ្ម​ យ៉ន​ នាយការិយាល័យបង្ការពន្លត់អគ្គិភ័យ​ និងសង្គ្រោះ​ នៃស្នងការដ្ឋាននគរបាលរាជធានីភ្នំពេញ បានប្រាប់ឲ្យដឹងថា ម្ចាស់ទីតាំងឈ្មោះ​ ZHANG PENG​​ ភេទប្រុស​ អាយុ​ ៣២ឆ្នាំ​ ជនជាតិចិន​ មុខរបរ​ ម្ចាស់ហាងគុយទាវ ឡូសឺ ចំពោះមូលហេតុ​នៃការឆាបឆេះ​ ឆ្លងចរន្តអគ្គិសនី។  

ក្នុងហេតុការណ៍មួយនេះ បានឆេះបំផ្លាញ ថ្មបេតុង ដែលមានទំហំ​ ៤ម៉ែត្រ x ៦ម៉ែត្រ​ ឆេះបន្ទប់គេងជាន់ទី២ អស់ទាំងស្រុង នឹងសម្ភារៈប្រើប្រាស់មួយចំនួន​ នឹងពុំបណ្តលឲ្យឆេះរាលដាលដល់ផ្ទះអ្នកជិតខាងឡេីយ។

សម្រាប់ប្រតិបត្តិការសង្គ្រោះវិញ សមត្ថកិច្ចប្រើប្រាស់រថយន្ដការិយាល័យបង្ការ និងពន្លត់អគ្គិភ័យ ចំនួន​ ៥គ្រឿង ប្រើប្រាស់ទឹកអស់​ ៣ឡាន ស្មើរ​ ១២ម៉ែត្រគូប ទើបរលត់ទាំងស្រុង នៅវេលាម៉ោង​ ៦និង០០នាទីល្ងាច​ នាថ្ងៃដដែរ៕

Post a Comment

0 Comments