ឯកឧត្តមអភិបាលខេត្តព្រះសីហនុប្រគល់លិខិតថ្លែងអំណរគុណ២សន្លឹកជូនលោកឧកញ៉ា ទៀ វិចិត្រ



ខេត្តព្រះសីហនុ៖ នៅព្រឹក ថ្ងៃទី០៣ ខែកញ្ញា ឆ្នាំ២០២១ លោកឧកញ៉ា ទៀ វិចិត្រ សមាជិកក្រុមការងារយុវជនគណបក្សប្រជាជនកម្ពុជា ខេត្តព្រះសីហនុ បានអញ្ជើញទទួលលិខិតថ្លែងអំណរគុណ ពីសំណាក់ ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ ក្រោយពីលោកឧកញ៉ា បានជួយឧបត្ថម្ភថវិការថវិកាចំនួន ៥០.០០០ដុល្លា (ហាសិបពាន់ដុល្លាអាមេរិក)ដើម្បីសាងសង់អាគារតេជោព្យាបាលជំងឺកូវីដ-១៩ ខេត្តព្រះសីហនុ ដែលកម្ពស់០១ជាន់ ទំហំ ៣៣ម៉ែត្រ x ៩០ម៉ែត្រ នៅក្នុងបរិវេណមន្ទីរពេទ្យបង្អែកខេត្តព្រះសីហនុ និងបានផ្តល់នូវ អាហារ ភេសជ្ជៈ និងសម្ភារប្រើប្រាស់គិតជាថវិកាសរុបចំនួន ៦៦.៨៤៥ ដុល្លារអាមេរិក ដើម្បីឧបត្ថម្ភដល់ រដ្ឋបាលខេត្តព្រះសីហនុ សម្រាប់ផ្តល់ជូនកងកម្លាំងក្រុមគ្រូពេទ្យ និងក្រុមការងារ ដែលកំពុងបំពេញបេសកកម្មនៅតាមគោលដៅ ក្រុង-ស្រុក និងមណ្ឌលចត្តាឡីស័ក ក្នុងព្រឹត្តិការណ៍ សហគមន៍ ២០ កុម្ភៈ នៅខេត្តព្រះសីហនុ៕

Post a Comment

0 Comments