ចេញពីរៀនបើកបរម៉ូតូឆ្លងថ្នល់មិនប្រយ័ត្នត្រូវគោយន្តបុករងរបួសធ្ងន់

ខេត្តស្វាយរៀង៖ សិស្សវិទ្យាល័យហ៊ុនសែនប្រសូតិម្នាក់សន្លប់ស្តូកស្តឹងក្នុងថ្លុកឈាមគណះដែលចេញពីរៀនឆ្លងថ្នល់ជាតិត្រូវគោយន្តបុកបណ្តាលអោយរងរបួសធ្ងន់។ករណីគ្រោះថ្នាក់ចរាចរណ៍នេះបានកើតឡើងកាលពីវេលាម៉ោង ១៥:៥០​ នាទីថ្ងៃទី ២២ខែវិច្ឆិកា​ ឆ្នាំ ២០១៩ នៅលើផ្លូវជាតិលេខ០១​ចន្លោះ​បង្គោល​គីឡូម៉ែត្រ​លេខ​១៣៧ -១៣៨ ស្ថិតក្នុងភូមិ ​ប្រសូតិ​១ ឃុំ កណ្តៀងរាយ​ ស្រុក ស្វាយទាប​​ ខេត្តស្វាយរៀង ។

​យោងតាមសមត្ថកិច្ចបានអោយដឹងថា៖នៅមុនពេលកើតហេតុមានគោយន្ដ​មួយ​គ្រឿង​ ពណ៌​បៃតង​ គ្មាន​ស្លាក​លេខ​​ អ្នក​បេីក​បរមិន​ស្គាល់​អត្តសញ្ញាណ​រត់​គេច​ពី​កន្លែង​កើត​ហេតុ​​ បានធ្វើ​ដំណើរ​ទិសដៅ​ពី​កេីត​ ទៅ​លិច​។

ប្រភពបានបន្តទៀតថា៖លុះមក​ដល់​ចំនុច​កេីត​ហេតុ​ខាង​លើ​ ស្រាប់​តែ​មាន​ម៉ូតូ​មួយ​គ្រឿង​ម៉ាក​ហុងដា ឌ្រីម ​សេ១២៥ ពណ៌ ខ្មៅ ស៊េរីឆ្នាំ​២០១៥ពាក់ស្លាកលេខ​ស្វាយរៀង​១G-១៨០០​ បេីក​បរ​ដោយ​ឈ្មោះ​ ឡេង​ សុីម៉ន​ ភេទ​ប្រុស​ អាយុ​១៦ឆ្នាំ​ មុខរបរ​ សិស្ស​ រស់នៅ​ភូមិ ព្រៃរំដួល​ ឃុំ​ប្រសូតិ​ ស្រុក​ស្វាយទាប​ ខេត្ត​ស្វាយរៀង​ ពាក់មួក​សុវត្ថិភាព​ រង​របួស​ធ្ងន់​(បែក​ក្បាល​)​ ធ្វើ​ដំណើរ​ចេញ​ពី​សាលា​ ឆ្លងកាត់​ផ្លូវ​ ពី​ជេីង​ទៅ​កេីត​បញ្ច្រាស់ទិសគ្នាក៏ត្រូវ​គោយន្ដ​បុក​ចំ​ពី​មុខ​ តែ​ម្ដង​ទៅ​បណ្តាលអោយរងរបួសធ្ងន់បែកក្បាលហូរឈាមសន្លប់ស្តូកស្តឹង។

អ្នករបួស​ខាងលើត្រូវបានសមត្ថកិច្ចបញ្ជួន​ទៅ​សំរាក​ព្យាបាល​នៅ​មន្ទីរ​ពេទ្យ​ខេត្ត​ស្វាយរៀងចំណែក​ មធ្យោបាយ​ទាំង​ពីរ​យក​មក​រក្សាទុក​នៅ​អធិការដ្ឋាន​នគរបាល​ស្រុក​ស្វាយទាប ៕





Post a Comment

0 Comments