27 March 2019

ពាក់ឯកសណ្ឋានជាកម្លាំងនគរបាល ហើយបង្ហោះរូបលើ Facebook ពាក់ព័ន្ធករណីគ្រឿងញៀនទៀត! មានអីខ្នោះ

ឧត្តរមានជ័យៈ ក្រោយពីមានការបង្ហោះតាមបណ្តាញសង្គម Facebook អាខោនឈ្មោះ «ផុស ផុស» ដោយបានសរសេរចំណងជើងថា «អញចង់ធ្វើអញ្ចឹងទើស ក្បាលអាណា» និងមានពាក់ឯកសណ្ឋានជាកម្លាំងនគរបាលផងនោះ ភ្លាមៗកម្លាំងនគរបាលនៃស្នងការដ្ឋានខេត្តឧត្តរមានជ័យ បានធ្វើការស្រាវជ្រាវរកទីតាំង រហូតឈានដល់ការឃាត់ខ្លួនបានសម្រេចហើយ និងដកហូតបានវត្ថុតាងគ្រឿងញៀនមួយចំនួន នៅថ្ងៃទី ២៧ ខែមីនា ឆ្នាំ ២០១៩ ប្រហែលម៉ោង ៣ ល្ងាច។





លោកឧត្តមសេនីយ៍ទោ ម៉ែន លី ស្នងការនគរបាលខេត្តឧត្តមានជ័យបានប្រាប់សារព័ត៌មានឲ្យដឹងថា ជនដែលបានបន្លំស្លៀកឯកសណ្ឋានប្រយុទ្ធរបស់នគរបាលជាតិ និងដាក់ថ្នាំញៀនពីមុខរួចថតបង្ហោះនៅលើអាខោន ដែលមានឈ្មោះ «ផុស ផុស» មានឈ្មោះ ភឿ ផុស អាយុ២៩ឆ្នាំ រស់នៅភូមិភ្នៀត សង្កាត់សំរោងក្រុងសំរោង ខេត្តឧត្តរមានជ័យ។
លោកស្នងការខេត្តបន្តថា នៅក្នុងប្រតិបត្តិការឃាត់ខ្លួននោះ គឺកម្លាំងបានធ្វើការឆែករកឃើញ ថ្នាំញៀនប្រភេទមេតំហ្វេតាមីនICE ១កញ្ចប់តូច សំភារៈប្រើប្រាស់គ្រឿងញៀនមួយចំនួន ,ទូរសព្ទ័ដៃ ៤គ្រឿង ឧបករណ៍ឆក់ត្រី១គ្រឿង៕

20 March 2019

អនុវត្តតាមការណែនាំ របស់គណៈបញ្ជាការឯកភាពខេត្តសៀមរាប ដែលមាន ឯកឧត្តម ទៀ សីហា ជាប្រធាន ស្តីអំពីការប្រយុទ្ធប្រឆាំងគ្រឿងញៀន នៅក្នុងមូលដ្ឋាន នឹង ដោយមាន ការក្រើនរំលឹក ពី លោកឧត្តមសេនីយ៍ទោ ទិត្យ ណារ៉ុង ស្នងការនៃស្នងការដ្ឋាននគរបាលខេត្តសៀមរាបកាលពីថ្ងៃទី២០ខែ មិនាឆ្នាំ ២០១៩ វេលាម៉ោង១០:៣០នាទី កំម្លាំងនគរបាលផ្នែកប្រឆាំងគ្រឿងញៀន និងកម្លាំងនគរបាលប៉ុស្តិ៍រដ្ឋបាលសង្កាត់ស្លក្រាម ដឹកនាំដោយលោកវរសរនីយ៍ឯក ណុប សារ៉ាក់ អធិការនៃអធិការដ្ឋាននគរបាលក្រុងសៀមរាប សហការណ៍ជាមួយ កំលាំងការិយាល័យប្រឆាំងគ្រឿងញៀន បានចុះបង្ក្រាប ករណី រក្សាទុក ជួញដូរ និងចាត់ចែងឲ្យប្រើប្រាស់ ដោយខុសច្បាប់ នូវសារធាតុញៀន ចំនុចលំនៅដ្ឋានមួយកន្លែង ស្ថិតនៅភូមិធ្លកអណ្តូង សង្កាត់ស្លក្រាម ក្រុង/ខេត្តសៀមរាប ។


យោងតាមការអោយដឹងពីលោកវរសេនីយ៍ត្រី ចែម ចំណាន អធិការរងទទួល ផ្នែកការងារប្រឆាំងគ្រឿងញៀន បានអោយដឹងថា ក្នុងកិច្ចសហប្រត្តិបត្តការនេះ កម្លាំងយើង បានធ្វើការ ឃាត់ខ្លួនជនសង្ស័យចំនួន០៣នាក់
-ជនសង្ស័យទី១-ឈ្មោះ សន មាន ភេទប្រុស ឆ្នាំកំណើត ១៩៩៩ មុខរបរគ្មាន ទីលំនៅ ភូមិ ធ្លកអណ្តូង សង្កាត់ ស្លក្រាម ក្រុង ខេត្តសៀមរាប(រក្សាទុក ជួញដូរនិងប្រើប្រាស់)(មានសារធាតុញៀនក្នុងខ្លួន)
-ជនសង្ស័យទី២.ឈ្មោះ នឿន វ៉ាន់នេត ភេទប្រុស ឆ្នាំកំណើត១៩៩២ មុខរបរគ្មាន ទីលំនៅភូមិ ត្រពាំងទឹម ឃុំកណ្តែក ស្រុក ប្រាសាទបាគង ខេត្តសៀម រាប (ចាត់ចែងនិងប្រើប្រាស់)(មានសារធាតុញៀនក្នុងខ្លួន)
-ជនសង្ស័យទី៣/ឈ្មោះ សុខ ស្រីអូន ភេទស្រី ឆ្នាំកំណើត ១៩៩៥ មុខរបរ គ្មាន ទីលំនៅភូមិ គ្រួស សង្កាត់ ស្វាយដង្គំ ក្រុង ខេត្តសៀម រាប(ជួញដូរនិងប្រើប្រាស់)(មានសារធាតុញៀនក្នុងខ្លួន)
+វត្ថុតាងដកហូត-ម្សៅមេតំហ្វេតាមីនប្រភេទទឹកកកចំនួន០៤កញ្ចប់ស្មើនឹងទំងន់៩,៧ក្រាម (ទាំងសំបក)
-ទូរស័ព្ទដៃចំនួន ០១គ្រឿង ។
បច្ចុប្បន្នជនសង្ស័យ និងវត្ថុតាង នៅព្រឹកថ្ងៃទី២១ខែមីនាឆ្នាំ ២០១៩នេះ ត្រូវបាន នគរបាលការិយាល័យប្រឆាំងគ្រឿងញៀន កសាងសំណុំរឿង បញ្ចូនទៅសាលាដំបូងខេត្តសៀមរាប ដើម្បីចាត់ការតាមនិតិវិធីច្បាប់ ។





ឧ​ត្ត​ម​សេនីយ៍ឯក​ ​ហុង​ ​វិ​ណុល​ ​មេបញ្ជាការ​រ​​​​​​​​​​​​​​ង​អាវុធហត្ថ​ជាតិ​ ​សង្ស័យ​អាច​ជាប់ពាក់ព័ន្ធ​នឹង​ផលប្រយោជន៍​ ​លើ​ជំនួញ​​ឈើ​របស់​ឧកញ៉ា​ ​តាំង​ ​អ៊ា​ង​ ​ក្នុង​ខេត្តពោធិ៍សាត់​


ពោធិ៍សាត់​ ​៖​ ​ទីបំផុ​ត​​​អ្វី​ដែល​សម្ដេចតេជោ​ ​ហ៊ុន​ ​សែន​ ​នាយក​រដ្ឋមន្ត្រី​ នៃព្រះរាជាណាចក្រកម្ពុជា ​ធ្លាប់​លើ​​ក​ឡើ​ង​ថា​ ​លោក​ស្អប់​ណាស់​ពួក​ឧក្រិដ្ឋជន​បំផ្លាញ​ព្រៃ​ឈើ​ ​រហូតដល់​ចេញ​បញ្ជា​ដល់​នាយ​ឧត្តមសេនីយ៍​ ​សៅ​ ​សុខា​ ​ប្រើ​​ប្រាស់​ឧទ្ធម្ភាគចក្រ​និង​ប្រើ​មី​ស៊ី​​លកំ​​ទេច​ផង​នោះ​ ​ត្រូវ​បាន​គេ​មើល​ឃើញ​ថា​ គ្មាន​ប្រសិទ្ធភាព​បន្តិច​សោះ​ឡើយ​។​ ​គ្មាន​ប្រសិទ្ធភាព​នៅត្រង់​ថា​ ​មន្ត្រី​ដែល​លោក​ទុកចិត្ត​ និង​បាន​តែងតាំង​តួនាទី​ ​ឲ្យ​ចុះ​បំពេញ​បេ​សកម្ម​នេះ​ ​បែរជា​ទៅ​ឃុបឃិតជាមួយ​មេក្រុម​ឧក្រិដ្ឋជន​ព្រៃ​ឈើ​​ ​ទាញ​យក​ប្រយោជន៍​លុយកាក់​ដាក់​ហោប៉ៅ​ខ្លួន​ទៅវិញ​ ​ហើ​យ​ធ្វើ​​សកម្មភាព​បង្ក្រាប​តិចតួច​យក​ជារ​បាយ​ការណ៍​ ​បាន​ជា​ថ្នូរ​ ​ដូរ​​យក​ថវិកាជាតិ​ទៅ​ចំ​ណាយ​លើ​​បេ​ស​កម្ម​​នេះ​ទៀត​ ​ផង​។​

ជាក់ស្តែង​ប៉ុន្មាន​ខែ​មកនេះ​ ​ព្រៃ​ឈើ​អភិរក្ស​ភ្នំ​សំ​កុស​ ​ភ្នំ​ឱរ៉ាល់​ ​និង​ព្រៃ​អភិរក្ស​ជួរភ្នំ​ក្រវាញ​កណ្តាល​ ​ដែល​ស្ថិត​នៅ​ក្ន​ង​ភូមិសាស្ត្រ​ ​ស្រុក​វាលវែង​ ​ស្រុក​ភ្នំក្រវាញ​ ​និង​ស្រុក​ក្រគរ​នៃ​ខេត្តពោធិ៍សាត់​ ​បាន​នឹង​កំពុ​ង​រង​នូវ​មហាវិនាស​កម្ម​ក្រោម​យ៉ាង​រង្គាល​ក្រោម​ ​ដៃ​មេ​ឈ្មួញ​ល្បី​ ​ឈ្មោះ​ខាង​កាប់​បំផ្លាញ​ព្រៃ​ឈើគឺ​​​​​​​​​​​​​​​​​​​​​ឧកញ៉ា​ ​តាំង​ ​អ៊ា​ង​ ​ដោយ​ជ្រក​ក្រោម​អាជ្ញាប័ណ្ណ​មានតែ​ឈ្មោះ​ខ្មោច​ ​គឺ​ក្រុមហ៊ុនMDS​ ​របស់​ឧកញ៉ា​ ​ទ្រី​ ​ភាព​ ​ដែល​ប្រកាស​ថា​ ​ឈប់​រក​ស៊ី​​លើ​​មុខរបរ​ជំនួញ​ព្រៃ​ឈើ​​ទៅ​ហើ​យ​នោះ​។​

ក្រុម​អង្គការ​សង្គម​ស៊ី​​វិល​ដែល​ធ្វើ​ការ​ឃ្លាំ​មើល​ទាក់ទង​នឹង​បទ​ល្មើ​​ស​ព្រៃ​ឈើ​បាន​រក​ឃើញ​ថា​ ​បច្ចុប្បន្ន​ ​ក្រុម​អ្ន​ក​ស៊ី​​ឈ្នួ​ល​អារ​ឈើ​​រា​ប់​រយ​នាក់​ប្រដាប់ដោយ​ម៉ា​ស៊ី​ន​ត្រង់​ស៊ីន័​រ​ ​កំ​ពុង​ធ្វើ​​សកម្មភាព​កាប់​បំផ្លាញ​ព្រៃ​ឈើយ៉ាង​ក​ក្រើ​ក​ពេញ​ព្រៃ​អភិរក្ស​ទាំង​បី​តំបន់​ដូច​រៀបរាប់​ខាង​លើ​​។​​ ​​មេ​ការ​ធំៗ​ជាច្រើ​ននា​​ក់​របស់​ឧកញ៉ា​ ​តាំង​ ​អ៊ា​ង​ ​បា​នប្រើ​​ប្រាស់​គ្រឿងចក្រ​ដូចជា​ ​អេ​ស្កា​វ៉ា​ទ័រ​ ​អាត្រាក់​ ​ឡាន​កែច្នៃ​ ​រាប់​សិប​គ្រឿង​ធ្វើ​​ការ​​ដឹក​ជញ្ជូន​ឈើ​​គ្រប់​ប្រភេទ​មាន​ទាំង​ ​ឈើ​​មូល​ ​ឈើ​​ឡាំង​បួនជ្រុង​ ​ឈើ​​តាប់​ ​យក​មក​លក់​នៅក្នុង​ឃ្លាំង​ស្តុក​ឈើ​​ធំៗ​ចំនួន៤ទីតាំង​ ​ហើ​យ​ឈើ​​មូល​ត្រូវ​បាន​គេ​ដឹក​ចូល​រោងចក្រ​អារ​ឈើ ​​ក្រោម​លេស​អាជ្ញាប័ណ្ណ​របស់​ក្រុមហ៊ុន ​MDS​ ​ដែល​មា​នតែ​ដី​ទទេ​ ​គ្មាន​ព្រៃ​ឈើ​មួយ​ដើមប្រើ​​ការបាន​នោះ​។​

​ឧកញ៉ា​ ​តាំ​ ​អ៊ា​ង​ ​បាន​ឲ្យ​មេការ​ធំ​របស់​ខ្លួន​ពីរ​នាក់​គឺ​​ឈ្មោះ​​ ​លីម​ ​និង​ ​ឈ្មោះ​ ​ង៉ូវ​ ​ទី​ ​ជា​ប្អូន​ប្រុស​​បង្កើ​​ត​ ​ឈរ​ចាំ​ប្រមូល​ទិញ​ឈើ​​ដែលគេ​ដឹក​ចូលក្នុង​ឃ្លាំង​ ​ដំណាក់សុក្រំ​ ​ទល់​មុខ​ក្រុមហ៊ុន ​MDS​ ​នៅក្នុង​ភូមិ​សំរោង​ ​ឃុំ​សំរោង​ ​ស្រុក​ភ្នំក្រវាញ​ ​និង​មួយ​កន្លែង​ទៀត​នៅក្នុង​បរិវេណ​ក្រុមហ៊ុនMDS​ ​ស្ថិតនៅ​ ​ឃុំ​អន្លង់រាប​ ​​ស្រុក​​វាលវែង​។​

ក្រៅពីនោះ​នៅ​មាន​ទីតាំង​ដេប៉ូ​ទិញ​ឈើ​ធំៗ​ពីរ​កន្លែង​ទៀត​របស់​ ​ឈ្មោះ​ ​ង៉ោ​ ​ម៉ៅ​ ​ហៅ​ ​ឆាង​ ​ម៉ៅ​ ​និង​ឈ្មោះ​ ​ណុប​ ​ឌី​ ​ដែល​សុទ្ធតែ​ជា​មេ​ឧក្រិដ្ឋជន​ព្រៃ​ឈើ​​មាន​ជាប់​ឈ្មោះ​ក្នុង​បញ្ជីខ្មៅ​ត្រូវ​សមត្ថកិច្ច​តាម​ចាប់ខ្លួន​ ​ក៏​កំ​ពុង​ធ្វើ​​សកម្ម​​​​ភាព​ប្រមូល​ទិញ​ឈើ​​ឲ្យ​ឧកញ៉ា​ ​តាំង​ ​អ៊ា​ង​ ​ផង​ដែរ​។​

​ក្រុម​អង្គការ​សង្គម​ស៊ី​​វិល​ខាង​លើ​​​​បាន​​រ​ក​ឃើ​ញ​ថា​ ​ឧកញ៉ា​ ​តាំង​ ​អ៊ា​ង​ ​ជា​មេ​ឈ្មួញ​រក​ស៊ី​​ឈើ​ដ៏​មាន​ឥទ្ធិពល​ ​និង​មានការ​ស្និទ្ធស្នាល​បំផុត​ជាមួយ​ថ្នាក់ដឹកនាំ​កំ​ពូល​ៗ​ក្នុ​ង​ជួរ​កង​រាជ​​អាវុធហត្ថ​ជា​តិ​សម្បើម​ណាស់​ ​ទើ​ប​អាច​ចេញ​ ​មុខ​ជា​ចំហ​កាប់​បំផ្លាញ​ព្រៃ​ឈើក្នុង​តំបន់​អភិរក្ស​ទាំង​បី​ខាង​លើ​បាន​ ​ព្រោះថា​តំបន់​អភិរក្ស​សំ​ខាន់​ៗ​ទាំង​បី​នេះ​ ​ក្រសួងបរិស្ថាន​បាន​ទទួល​ជំនួយ​ក្នុង១ឆ្នាំ​ៗ​រាប់​លាន​ដុល្លារ​ ​ពី​អង្គការ​អន្តរ​ ​ជាតិនានា​ ​និង​ប្រទេស​ផ្តល់​ជំនួយ​លើ​វិស័យ​ការពារ​ព្រៃ​ឈើ​។​

មន្រ្តី​អាវុធហត្ថ​ជាតិ​ម្នាក់​ឈ្មោះ​ ​ម៉ៅ​ ​ចាន់​នី​ ​ដែលគេ​ស្គាល់​ថា​ ​ជាប់សាច់​សារ​លោហិត​​នឹង​ឧ​កញ៉ា​ ​តាំង​ ​អ៊ា​ង​ ​ដែរ​នោះ​ ​គឺជា​បុគ្គល​ល្បី​ ​ឈ្មោះ​ពេញ​ទឹកដី​ខេត្តពោធិ៍សាត់​ខាង​​ទំ​នាក់​​ទំ​​​​​​​​​​​​​​​​​​​​​​​​​​​​​​នង​គ្រប់​សមត្ថកិច្ច​ជំនាញ​ពាក់ព័ន្ធ​ ​និង​ជា​អ្នក​ផ្តល់​កញ្ចប់​លុយ​ពុករលួយ​ដល់​មន្ត្រី​ទាំងនោះ​រាប់​តាំងពី​​ថ្នាក់​មូលដ្ឋាន​ ​រហូតដល់​ថ្នាក់​ខេត្ត​ ​​ក្នុ​ង​​កា​របើក​​ផ្លូវ​ឲ្យ​មានការ​កាប់​បំផ្លាញ​ព្រៃ​អភិរ​ក្ស​ ​និង​ការ​ដឹក​ជញ្ជូន​ឈើ​ខុសច្បាប់​ ​ចេញពី​ខេត្ត​​ពោធិ៍សាត់​ ​មកកាន់​រាជធានី​ភ្នំពេញ​ ​ហើ​យ​បន្ត​ដឹក​ទៅកាន់​ប្រទេស​វៀតណាម​តាម​តាម​​ច្រក​ទ្វារ​កំពង់ក្រសាំង​ ​នៃ​ខេត្តតាកែវ​។​​
​​​ក្រុម​​អង្គការ​សង្គម​ស៊ី​​វិល​ទាំងនោះ​បាន​ចងក្រង​ជារ​​បាយ​ការណ៍​ ​ដោយ​ដាក់​ការ​ ​សង្ស័យ​ថា​ ​ជំនួញ​ឈើខុ​សច្បាប់​បែប​បន្លំ​ភ្នែក​របស់​ឧកញ៉ា​ ​តាំង​ ​អ៊ា​ង​ ​ដោយ​ជ្រក​ក្រោម​ស្លាក​អាជ្ញាប័ណ្ណ​ ​ក្រុមហ៊ុនMDS​ ​អាច​ដំ​ណើ​​រកា​របា​ន​គឺ​ដោយ​​​សារ​តែ​ការ​ឃុបឃិត​ពុករលួយ​របស់​មន្ត្រី​ជំនាញ​ជា​​លក្ខណៈ​ប្រព័ន្ធ​ ​បន្លំ​ឯកសារ​ច្បាប់​ ​ហើ​យ​អំណាច​លុយ​បាន​ក្លាយជា​ច្បាប់​ពិត​របស់​មន្រ្តី​ខ្មែរ​ទាំងនោះ​ទៅ​ហើ​យ​។​​

​ក្រុម​អង្គការ​សង្គម​ស៊ី​​វិល​ដដែល​ក៏បាន​រិះគន់​ថា​ ​​ឧត្តមសេនីយ៍ឯក​ ​ហុង​ ​វិ​ណុល​ ​មេបញ្ជាការ​រង​កងរាជអាវុធហត្ថ​ជាតិ​ ​ទទួលបន្ទុក​បង្ក្រាប​បទ​ល្មើ​​ស​ព្រៃ​ឈើ​ក្នុង​ខេត្តពោធិ៍សាត់​ ​ជា​តំណាង​ឲ្យ​មុខមាត់​គណ​កម្មការ​ជាតិ​ទប់ស្កាត់​ ​និង​បង្ក្រាប​បទ​ល្មើស​ធនធាន​ធម្មជាតិ​ ​ក៏អាច​ជាប់ពាក់ព័ន្ធ​នឹង​ផល​ប្រយោជន៏​ពី​ជំនួញ​ព្រៃ​ឈើ​នេះ​ដែរ​ ​ព្រោះថា​ម្តងម្កាល​ ​គេ​ឃើ​ញក​ម្លាំង​អាវុធហត្ថ​ជាតិ​ចុះទៅ​បំពេញការងារ​របស់​ខ្លួន​តាម​បញ្ជា​ ​តែថា​ប្រៀប​ដូច​ចុះ​ទៅ​ដ​ណ្តើម​ចំណី​ពី​ចាប​ដែល​កំពុង​សម្ងំ​ស៊ី​ស្រូវ​ ​ដោយ​ត្រូវ​ក្រុម​អ្នក​កាប់​បំផ្លាញ​ព្រៃ​ឈើទាំងនោះ​ ​តែង​ដឹងខ្លួន​ជាមុន​គ្រប់ពេល​។

ពាក់ព័ន្ធនឹងករណីខាងលើអង្គភាពយើងមិនអាចសុំការបភ្លឺពីអាជ្ញាធរពាក់ព័ន្ធក្នុងខេត្តពោធិ៍សាត់បានទេ!






លោក អាគិហិរូកាតូ ជនជាតិជប៉ុន តំណាងឲ្យក្លឹបអង្គរថាយហ្គឺរសៀមរាប បាននាំយកថវិកាចំនួន៤.០៤៥ដុល្លារជូនដល់គ្រួសារសព លោក ហ៊ឹម ចាន់


នៅព្រឹកថ្ងៃទី២០ ខែមីនា ឆ្នាំ២០១៩នេះ លោក អាគិហិរូ កាតូ ជនជាតិជប៉ុន អាយុ៣៩ឆ្នាំ តំណាងឲ្យក្លឹបអង្គរថាយហ្គឺរ សៀមរាប ស្ថិតក្នុងភូមិតាភុល សង្កាត់ស្វាយដង្គំ ក្រុងសៀមរាប បាននាំយកថវិកាចំនួន៤.០៤៥ដុល្លារអាម៉េរិក ជូនដល់គ្រួសារសព លោក ហ៊ឹម ចាន់ ដោយមានការចូលរួមពីលោកឧត្តមសេនីយ៍ត្រី ហួត សុធី ស្នងការរងនគរបាលខេត្តសៀមរាប ។



គួររំលឹកថា លោក ហ៊ឹម ចាន់ មានមុខរបរអ្នករត់តាក់ស៊ី ត្រូវបានបុរសជនជាតិជប៉ុនចំនួន២នាក់ បានអារ-កសម្លាប់ ប្លន់យករថយន្តកាលពីវេលាម៉ោង១៧ ថ្ងៃទី១៧ ខែមីនា ឆ្នាំ២០១៩ ស្ថិតនៅចំណុចលើកំណាត់ផ្លូវជាតិលេខ៦ ត្រង់ចំណុចជញ្ជីងថ្លឹងរថយន្ត ក្នុងទឹកដីភូមិគោកដូង ឃុំពួក ស្រុកពួក ៕

19 March 2019

គោលនយោបាយភូមិ ឃុំ មានសុវត្ថិភាព

គោលនយោបាយភូមិ ឃុំ មានសុវត្ថិភាព លក្ខណះសម្បត្តិ ៩ យ៉ាង រួមមាន:
១-គ្មានសកម្មភាពលួច ឆក់ ប្លន់គ្រប់ប្រភេទ។
២-គ្មានការដាំដុះ ការផលិត ការចរាចរ ការជួញដូរ ការចែកចាយ និងការប្រើប្រាស់ គ្រឿងញៀនខុសច្បាប់។
៣-គ្មានអំពើអាណាចារ្យ ការជួញដូរស្ត្រីនិងកុមារ និងអំពើហិង្សាក្នុងគ្រួសារ។
៤-គ្មានក្មេងទំនើង។
៥-គ្មានការលេងល្បែងសីុសងខុសច្បាប់គ្រប់ប្រភេទ ការប្រើប្រាស់វុធខុសច្បាប់ និងបទល្មើសគ្រប់ប្រភេទ។
៦-គ្មានគ្រោះថ្នាក់ចរាចរណ៍។
៧-គ្មានគ្រោះថ្នាក់ដោយសារយុទ្ធភ័ណ្ឌមិនទាន់ផ្ទុះ។
៨-មានវិធានការទប់ស្កាត់ គ្រប់គ្រង និងឆ្លើយតប ចំពោះគ្រោះមហន្តរាយ ប្រកបដោយ ប្រសិទ្ធិភាព។
៩-គ្មានការត្រួតពិនិត្យខុសច្បាប់ ។

18 March 2019

តើលោកអភិបាលខេត្តកំពតដឹងថាមានល្បែងស៊ីសងខុសច្បាប់នៅច្រកតន់ហន់ទេ?

ខេត្តកំពត៖ កាសុីណូដុះស្លែរ ដែលនៅខាងក្នុងនោះមានល្បែងជាច្រើនដូចជា សង្វៀនមាន់ យូគី អាប៉ោង និងល្បែងម៉ាសុីន ហើយកាសុីណូមិនមានឈ្មោះមួយកន្លែង នៅក្បែរច្រកទ្វេរភាគី កម្ពុជា-វៀតណាម "តន់ហន់" ស្ថិតនៅភូមិព្រែកគ្រឹស្ត ឃុំព្រែកគ្រឹស្ត ស្រុកកំពង់ត្រាច ខេត្តកំពត បើកឡើងដុះស្លែរ ហើយអ្នកចូលលេងមានទាំងខ្មែរ និងបរទេស មិនដែលឃើញមានសមត្ថកិច្ចខាងណាចេញមុខបង្ក្រាបសោះ តើកាសុីណូមួយនេះមានខ្នងប៉ុណ្ណាទៅបានជាសមត្ថកិច្ចមិនហ៊ានបង្ក្រាបសោះ?។

មានប្រភពជាច្រើនបានលើកឡើងថា ទីតាំងមួយកន្លែងនេះបានបើកជាយូណាស់មកហើយ ហើយអ្នកចូលទៅលេង មានទាំងជនជាតិវៀតណាម និងជនជាតិខ្មែរ អ្នកខ្លះហេតុតែញៀននឹងល្បែងជល់មាន់ យូគី អាប៉ោង សុខចិត្តធ្វើដំណើរតាំងពីចំងាយរាប់សិបគីឡូឯណ្ណោះដើម្បីមកលេង ហើយមាន់ដែលយកទៅលេងជាមាន់ប្រភេទតខ្នាយដែកទៀតផង។

មានមតិខ្លះទៀតបានខ្សឹបខ្សៀវថា កាសុីណូខាងលើនេះប្រហែលជាគ្មានច្បាប់នោះទេបានជាមិនលើស្លាកយីហោអោយបានត្រឹមត្រូវ ហើយខ្លះទៀតថា ទោះកាសុីណូនេះមានច្បាប់ក៏ដោយ ក៏មិនមែនច្បាប់អោយបើកសង្វៀនមាន់ យូគី អាប៉ោងនោះដែរ ហើយអ្នកចូលលេងជាជនជាតិខ្មែរនោះទេ។

ពួកគាត់មានការព្រួយបារម្ភយ៉ាងខ្លាំងចំពោះទីតាំងសង្វៀនមាន់ អាប៉ោង យូគីមួយនេះ ដោយសារតែពេលខ្លះមានដូចជាប្តី ជាកូន ជាក្មួយ បានទៅចាក់ភ្នាល់ផងដែរ ហើយពេលពួកគាត់ហាមឃាត់ ប្តី កូន ក្មួយ មិនអោយទៅលេង ពេលខ្លះក៏បង្កជាការឈ្លោះប្រកែកគ្នាក៏មាន ។ រីឯអ្នកលេងខ្លះទៀតក៏កើតជារឿងក្តៅក្រហាយ រករឿងប្រពន្ធកូន ពេលចេញពីលេងវិញ ដោយសារតែពួកគេចាញ់ល្បែងនេះតែម្តង។

ប្រជាពលរដ្ឋជាច្រើន បានសំណូមពរដល់សមត្ថកិច្ចក្នុងមូលដ្ឋាន ក៏ដូចជាលោកអភិបាលស្រុក លោកអធិការស្រុកកំពង់ត្រាច ជាពិសេសឯកឧត្តម អភិបាលខេត្ត និងឯកឧត្តម ស្នងការខេត្តកំពត សូមជួយចាត់កម្លាំងចុះត្រួតពិនិត្យទីតាំងកាសុីណូខាងលើនេះផង។

ជាចុងក្រោយតើលោកអភិបាលខេត្តដឹងថាមានល្បែងស៊ីសងខុសច្បាប់នៅច្រកតន់ហន់ទេ?៕

15 March 2019

មេឈ្មួញឈើឈ្មោះ ម៉ាប់ កំពុងបន្តដឹកឈើដូចហែកឋិនឆ្លងកាត់ច្រកដាក់ដាំ ខណៈដែលសមត្ថកិច្ចយាមច្រកសហការបើកដៃអោយចេញឆ្លងទៅវៀតណាម



ខេត្តមណ្ឌលគីរី៖ ប្រភពព័ត៌មានយ៉ាងច្បាស់ការ បានបញ្ជាក់អោយដឹងថា តាំងពីចុងខែកុម្ភៈ ឆ្នាំ២០១៩ រហូតមកដល់ពេលនេះ ឈ្មួញឈើឈ្មោះ ម៉ាប់ និងមានប្រពន្ធឈ្មោះ ឌីណា ល្បីខ្លាំងនៅក្នុងខេត្តមណ្ឌលគីរី បានធ្វើសកម្មភាព ដឹកជញ្ជូនឈើប្រណីតយ៉ាងពេញបន្ទុក តាមរថយន្ត សាំងយ៉ុង ជាច្រើនគ្រឿង ចេញពីតំបន់ ព្រៃសហគមន៍ ក្នុងស្រុកកោះញ៉ែក កាត់តាមខេត្ត តាមច្រក់អន្តរជាតិទ្វេភាគីដាក់ដាំ ដោយពុំមានមន្ត្រីជំនាញ ឬសមត្ថកិច្ច ប្រចាំច្រកនេះចាត់វិធានការ ទប់ស្កាត់ និងបង្ក្រាប ម្តង ណានោះឡើយ ហើយក្រុមសកម្មជន ការពារ ព្រៃឈើ នៅក្នុងខេត្តមណ្ឌលគិរី បានបង្ហើបឲ្យដឹងថា ក្បួនរថយន្ត ដឹកឈើប្រណិត របស់មេឈ្មួញ ជាទូទៅ គឺតែងតែធ្វើសកម្មភាពលួចដឹក ឆ្លងដែនទៅលក់នៅ ប្រទេសយួននៅពេលយប់ តាមច្រកទ្វេរ ភាគីខាងលើ យ៉ាងអនាធិបតេយ្យជាទីបំផុត ។

ប្រភពបន្តថា ក្បួនរថយន្តដឹកឈើប្រណីតរបស់ មេឈ្មួញឈ្មោះ ម៉ាប់ នេះប្រៀបបីដូចជារថយន្តហែបុណ្យកឋិនអញ្ចឹង ខណៈដែលអាជ្ញាធរ និងសមត្ថកិច្ចពាក់ព័ន្ធ នៅក្នុងខេត្តមណ្ឌលគិរី មិនហ៊ានក្អក ជាមួយនិង មេឈ្មួញរូបនេះឡើយ ។

មតិរាស្រ្តមួយចំនួនបានលើកឡើងថា លោក ស្វាយ សំ អ៊ាង ជាអភិបាលនៃគណៈអភិបាលខេត្តមណ្ឌលគីរី ខ្លាចមេឈ្មួញពីរនាក់ ប្ដីប្រពន្ធ ខាងលើនេះហើយមើលទៅ បានជាសំងំឈឹង ពុំមានការបង្ក្រាបទាល់តែសោះ ។ គួររំលឹកផងដែរថា នៅចុងឆ្នាំ២០១៨ កន្លងទៅលោក ស្វាយ សំ អ៊ាង អភិបាលនៃគណៈអភិបាលខេត្ត មណ្ឌលគីរី ដើម្បី បិតបាំងទង្វើពាក់ព័ន្ធពុករលួយ ក្នុង ជំនួញឈើរបស់មេឈ្មួញគ្រាក់ៗ លោកបានបញ្ចា អោយរដ្ឋបាលសាលាខេត្ត ចេញលិខិតបដិសេដ្ឋ ពុំ មានបទល្មើសកើតមានឡើងដូចការចុះផ្សាយ របស់អ្នកសារព័ត៌មានក្នុងស្រុកមួយចំនួនចុះផ្សាយនោះឡើយ ។

សម្ដេចក្រឡាហោម ស ខេង ឧបនាយករដ្ឋមន្ត្រី បាន សង្កត់ធ្ងន់ៗ ទៅចៅហ្វាយខេត្ត បី នៅភូមិភាគឦសានមាន ខេត្តមណ្ឌុលគិរី ខេត្តរតនៈគីរី និង ខេត្តស្ទឹងត្រែង សម្ដេចក្រឡាហោម ស ខេង ឧបនាយករដ្ឋមន្ត្រី បាន ព្រមានដក់តំណែងចេញ បើគ្មានការបង្ក្រាបរាល់ បទល្មើសព្រៃឈើដែលកើតឡើង ក្នុងដែនរបស់ខ្លួន គ្រប់គ្រងនោះទេ ។

សម្ដេចក្រឡាហោម ស ខេង ឧបនាយករដ្ឋមន្ត្រី មានប្រសាសន៍ចំឈ្មោះ លោក ស្វាយ សំ អ៊ាង អភិបាលខេត្តមណ្ឌុលគិរីនេះតែម្តង តែលោក អភិបាលខេត្ត ហាក់បីដូចមិនបានអនុវត្តន៍តាមប្រសាសន៍ដ៏ថ្លៃថ្លារបស់សម្ដេចក្រឡាហោម ស ខេង ឧបនាយករដ្ឋមន្ត្រីនោះទេ នៅតែបើកភ្លើងខៀវ អោយមេឈ្មួញ និងបទល្មើសព្រៃឈើកើតមាន យ៉ាងអនាធិបតេយ្យដដែល ៕